Paul Gavarni

C'l artìcol chè 'l è scrit in Carpśàn

Paul Gavarni, scutmàj ed Guillaume Sulpice Chevalier (Parì, 1804 – 1866), 'l è stê 'n disgnadōr, aquarelìsta e litografìsta francéś.

La só vìta e la só ativitê

Al Gavarni 'l era fiōl 'd un cuntadèin andê a viv'r a Parì e 'd Monique Thiémet, surèla dal ventrìloc dispetōś e caricaturìsta Guillaume Thiémet, famōś a 'l tèimp dal Diretòri e sòt a 'l Prìm Impēr p'r al só rapreśentasiòun, da mêś a chegli ètri, di mòneg gulōś.

Al Gavarni al tulìva cal scutmàj chè dôp ch'l era stê per soquànt tèimp in di Pirené a Gavarnie. Al nòm ed Paul a pêr invéci ch'al s sìa tachê per śbali a 'l Gavarni dôp ed na scritùra śbaglièda in soquànt disionàri 'd artìsta di inìsi dal XXśum sécol.