Paul Campani

Artéccol in dialètt mudnés

Paul Campani, nàm 'd êrt per Paolo Campani, (Mòdna, 29 żner 1923 – 31 mag' 1991) 'l è stê 'n animadōr, autōr ed fumètt e regìsta. 'L ìva fundê la Paul Film e 'l è stê ùn di più grand avtōr dal cìnema 'd animaziòun itagliàn. Famóus, in particulêr, p'r i só personâǵ vìst in dal Carosello dla Reda 1 dla RAI.

Carêra

'L ìva tachê a lavurèr dimòndi żoven: in dal 1939 'l ìva publichê na stòria in di Albi dell'Intrepido; pôc an dàp al feva 'l senògraf in dal film animê La Rosa di Bagdad e 'l iva lavurê in di fumètt Albi fantasia e Asso di Picche.

A tachèr dal 1946, al Campani al lavorèva insèm a la cà editóra dl' Argentìna Abril e al finèss in dal 1956.

Al 2 ed setèmber 1954 al fonda la Paul Film; la detta la farà una zentèina ed film animê (per lo piò ed publicitê) e dimòndi persunâǵ ch'i ein dvintê di clasic: l'Umein coi bâf, Miguel "son sempre mi", Tuttostanc'.

Dàp i an ssanta, la Paul Film la vgniva s'reda.

Dal 1° setèmber al 28 utober 2007, al cmùn ed Modena l'a fât una mostra sò Paul Campani, ch'la avû un boun success.

Persunâǵ di cartòun animê

Angelino (1958)
Angelina (1962)
Omino coi baffi (1958)
Zia Betti (1966)
Toto e Tata (1961)
Svanitella Svanitè (1960)
Riccardone (1961)
Riccardella (1967)
La Smorfia (1960)
Fido-Bau (1963)
Ciuffo e Cioffo (1965)
Gigino Pestifero (1965)
Miguel (1967)
Io-me-croc (1965)
Amici di Gioele (1967)
Kikki (1960)
Super Olimpino (1960)
Il signor Taldeitali (1960)
Professor Poff (1961)
Stellino (1962)
Boc e Buc (1963)
Tip-tap (1963)
Dlin-Dlin (1963)
Gibaud (1967)
Teo Duedita (1968)
Professor Giustatut (1968)
Briganti Mattacchioni (1969)
Tuttostanco, censurê e con un nàm nôv: Tuttocosì(1970)
Dr. Knapp (1971)
La semplice (1971)
Fefè (1974)
Pupa e Bob-bob (1968)

Colegamèint esteren