Passengers - Mistero ad alta quota

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Passengers
Passengers - Mistero ad alta quota
Passengers - Mistero ad alta quota.png
Patrick Wilson in na figùra dal film
Pasegēr - Mistēr a quóta élta
2008
Regìa: Rodrigo García
Scritōr: Ronnie Christensen
Atōr: Anne HathawayPatrick WilsonClea DuVall
Andre BraugherDianne WiestRyan Robbins
William B. DavisDavid MorseDon Thompson
Müsica: Edward Shearmur
Léngua: Ingléś
Dürä dal film: 93 minüt
Nasiōṅ: Stat UnîCànada


«
A n s pōl minga lugàr la véra par sèmpar.»
(Tagline dal film)


Passengers - Mistero ad alta quota (Pasegēr - Mistēr a quóta élta) 'l è 'n film dramàtic americàṅ e canadéś dal 2008 ad Rodrigo García.

La pelìcula l'è custàda vint-sinc migliòṅ ad dòlar, muciànd-an pò sù sinc e òt.

Sunt

La śōvna psico-terapéuta Claire Summers (Anne Hathaway) l'è ciamàda a jutàr un grup ad sinc parsòni scampàdi a 'n incidènt 'd 'n aparéć ch'l è vgnû śò su na spiàgia masànd invéci tut chi àtar. A s trata 'd Dean (Ryan Robbins), dla Shannon (Clea DuVall), ad Norman (Don Thompson), 'd Eric (Patrick Wilson) e dl'asisènta 'd vōl, la Janice (Chelah Horsdal). La psicòluga, sinténd ch'un qualchidòṅ al diś 'd arcurdàr-as 'd avēr vdû un mutōr ciapàr fōg, la và a dascórar c'n al funsiunàri dla cumpagnìa, al sgnōr Arkin (David Morse), che però al rispónd ch'a s è tratâ 'd un śbali dal pilòta.

C'n al pasàr dal tèmp la Claire la taca a ligàr-'s a òṅ di sò pasiènt, Eric, ch'al fà da tut par tacàr na relasiòṅ sèg anc andànd cónt'r a 'l règhli di mèdag ch'i n gh'arévan minga da misćiàr al lavōr cun la sò vita privàda. In cal méntar soquànt di scampâ, cuma Norman, i sparìsan sénsa dir gnint e la Claire la taca a pinsàr ch'la cumpagnìa la gh sia in mèś par far taśēr di testimòni dascòmad.

La Claire, ch'la vrév davśinàr-'s incóra a sò surèla Emma (Stacy Grant) dòp ch'la s éra quistiunàda sèg, l'incróśa incóra Arkin ch'al tórna a dir ch'l incidènt 'l éra cólpa dal pilòta. Ravanànd in dla sò bórsa ch'al s è daśmindgâ andànd via, la dóna la cata la lista di pasegēr e la fà a mènt che lè in mèś a gh'è anc al sò nóm.

Culegamènt estéran