Parenti serpenti
|
C'l artìcul chè 'l è scrit in
Miranduléś |
 Parenti serpenti
| ||
 La Marina Confalone in na figùra dal film | ||
| Parènt sarpènt 1992 | ||
|---|---|---|
| Regìa: Mario Monicelli | ||
| Scritōr: Mario Monicelli • Carmine Amoroso Suso Cecchi D'Amico • Piero De Bernardi | ||
| Atōr: Renato Cecchetto • Marina Confalone Tommaso Bianco • Alessandro Haber • Pia Velsi Cinzia Leone • Alfredo Cohen • Eugenio Masciari Carlo Picone • Paolo Panelli • Monica Scattini | ||
| Müsica: Rudy De Cesaris | ||
| Léngua: Itagliàṅ | ||
| Dürä dal film: 105 minüt | ||
| Nasiōṅ: Itàglia | ||
Parenti serpenti (Parènt sarpènt) l'è na cumèdia dramàtica itagliàna dal 1992 ad Mario Monicelli giràda a Sulmóna.
In dla culòna sunóra dal film i s càtan di pès ad cantànt itagliàṅ impurtànt cuma la Loredana Berté (Iris), i Matia Bazar (Piccoli Giganti), Jovanotti (Muoviti Muoviti), Toto Cutugno (Ocio), Enzo Jannacci (Vivere) e Eros Ramazzotti (Libero dialogo).
Sunt
P'r al fèsti 'd Nadâł, cuma da tradisiòṅ, al carabinēr in pensiòṅ Saverio Colapietro (Paolo Panelli) e sò mujēr Trieste (Pia Velsi) i ciàm'n a magnàr i sò parènt da lōr in dla sò cà in Abrùs. A gh'è la Lina (Marina Confalone), ch'la lavóra in bibliutéca a Téram, insém a sò marè geométar e casadōr demucristiàṅ Michele (Tommaso Bianco) e a sò fiōl Mauro (Riccardo Scontrini), la còpia furmàda par la raśdóra Milena (Monica Scattini) e par sò marè maresiàl dl'Aeronàutica Filippo (Renato Cecchetto), la famìja 'd Alessandro (Eugenio Masciari), pustèṅ cumunìsta ad Mòdna, dla sò spóśa Gina (Cinzia Leone), ch'a s diś ch'la gh méta i còran da spés, e 'd sò fiōla budlòna Monica (Eleonora Alberti), e dal put Alfredo (Alessandro Haber), prufesōr 'd itagliàṅ a Còm.
Durànt al pranś, Saverio e sò mujēr i sàltan sù dgénd ch'i n gh la càvan piò a 'rmàgnar da par lōr par via di sò an, utànta pasâ, ch'i n vōlan minga andàr a 'l ricòvar e ch'i gh'aṅ intensiòṅ 'd andàr a star da òṅ di sò fiōi.
Quànd i dū pensiunâ i vàn'n a far dū pas, a gh in salta fóra na gamba, un masèl fra tut i parènt ch'i n li vōlan minga in cà sèg e ch'i tàc'n a litgàr-as e a dir-'s-'n ad tut i culōr, anc dal cativèri e di petegulés.