Paèiş
Artécol in dialèt arzân
Al paèîş (paese in italiân) l'é un cèinter abitê generalmèint céch, cun la carateréstica 'd avèir 'na cunuméia préma 'd tót agrécola[1]. Ind al chêş ch' al sía lòngh un fióm o un lêgh la só cunuméia la pōl dipènder ânca da la pèsca.
Itâlia[modifica | mudéfica la surzéia]
An gh' é mìa 'na lèg ch' la pervèd di lémit dóve un cèinter abitê al pōl ciamêres "paèiş"; a la bòuna a 's pōl cunsidrêr un "paèiş" un cèinter abitê ch' al gh'âbia almēno 2.000 abitânt dóve i ⅔ a lavōren in agricultûra.
Però a gh'é dal spiegasiòun diferèint, cme còla dóve un cmûn per lo pió agrécol ch'an âbia mìa 'vû al tétol ed "sitê" al sìa un "paèiş", indipendentemèint dal nòmer ed j abitânt (ch' al vîn pó per cumbinêr cun la sitadèina).
Dôp l'industrialişasiòun ed l'Itâlia, dimòndi cèinter abitê àn mudê al lōr sitēma ed produsiòun ind l'indóstria. Dimòndi comunitê în drê a vudêres.
Svésra[modifica | mudéfica la surzéia]
In Svésra l'é cunsidrê "paèiş" un cèinter abitê cun mēno ed 9.000 abitânt.
Frância[modifica | mudéfica la surzéia]
In Frância un pays al sègna mìa un cèinter abitê mó 'na regiòun cun cultûra, carâter geogrâfich e sistēma ed véta carateréstich. Sté sistēma al vîn druvê ânca da di studōş ed geogreféia italiân[2].
Materiêl pr'andêregh in fònda[modifica | mudéfica la surzéia]
(manca):
Nôta: cla pâgina ché l'é stêda inviêda cun 'na tradusiòun da Paese trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.