Omicidio all'italiana
|
C'l artìcul chè 'l è scrit in
Miranduléś |
 Omicidio all'italiana
| ||
 La Sabrina Ferilli in na figùra dal film | ||
| Masamènt a l'itagliàna 2017 | ||
|---|---|---|
| Regìa: Marcello Macchia | ||
| Scritōr: Gianluca Ansanelli • Sergio Spaccavento Daniele Grigolo • Marcello Macchia • Danilo Carlani | ||
| Atōr: Marcello Macchia • Antonino Bruschetta Luigi Luciano • Sabrina Ferilli • Nino Frassica Roberta Mattei • Fabrizio Biggio • Enrico Venti Lorenza Guerrieri • Gigio Morra • Luca Confortini | ||
| Müsica: Lorenzo Tomio | ||
| Léngua: Itagliàṅ • Napulitàṅ • Lumbàrd | ||
| Dürä dal film: 99 minüt | ||
| Nasiōṅ: Itàglia | ||
Omicidio all'italiana (Masamènt a l'itagliàna) l'è na cumèdia négra itagliàna dal 2017 ad Marcello Macchia giràda in Abrùs in dal bōrg ad Curvàra e a Chiéti.
Sunt
Acitrullo 'l è 'n paiśèṅ 'd muntàgna 'd séd'ś anmi, dagnóra tut vèć, fra 'l Mulìś e 'l Abrùs ch'a n gh'è gnint e tut i sógnan 'd andàr a star in sità a Campbàs. Quànd la cuntésa Ugalda Martirio in Cazzati (Lorenza Guerrieri) la mōr p'r un bcòṅ ch'al gh'è andâ 'd travèrs, a 'l sìndig Piero Peluria (Marcello Macchia) a gh vîṅ in mènt la strulgàda 'd dasfrutàr cla daśgràsia lè par far-la pasàr p'r un masamènt e tiràr acsè su 'l bōrg 'l interès dla televiśiòṅ e di turìsta.
Jutâ par sò fradèl Marino (Luigi Luciano), al sìndig al pòrta 'l cadàvar sóta 'l campanìl e pò a gh buta adòs di curtèi par far créd'r a tut ch'la sgnōra la sia stada masàda a scurtlàdi. In paéś a riva subìt la giurnalìsta criminòluga Donatella Spruzzone (Sabrina Ferilli) ch'la gh'à 'n prugràma 'd sucès ciamâ Chi l'acciso ch'i al védan tut, pò anc al cumisàri Fiutozzi (Gigio Morra) e l'ispetōra Sandra Pertinente (Roberta Mattei).