Occhi di Laura Mars
|
C'l artìcul chè 'l è scrit in
Miranduléś |
 Eyes of Laura Mars
| ||
| Occhi di Laura Mars | ||
 La Faye Dunaway in na figùra dal film | ||
| Òć dla Laura Mars 1978 | ||
|---|---|---|
| Regìa: Irvin Kershner | ||
| Scritōr: John Carpenter • Tommy Lee Jones David Zelag Goodman • Julian Barry Mart Crowley • Joan Tewkesbury | ||
| Atōr: Faye Dunaway • Tommy Lee Jones Brad Dourif • Rene Auberjonois • Raul Julia Frank Adonis • Lisa Taylor • Meg Mundy | ||
| Müsica: Artie Kane | ||
| Léngua: Ingléś | ||
| Dürä dal film: 104 minüt | ||
| Nasiōṅ: Stat Unî | ||
Occhi di Laura Mars (Òć dla Laura Mars), cgnusû in Itàglia anc cuma Gli occhi di Laura Mars, 'l è 'n thriller americàṅ dal 1978 'd Irvin Kershner su 'n sugèt ad John Carpenter.
'L è custâ sèt migliòṅ ad dòlar e al 'n à muciâ sù vint. In dla culòna sunóra i s càtan di sucès di an Stanta cuma Prisoner dla Barbra Streisand, Let's All Chant dla Michael Zager Band e (Shake, Shake, Shake) Shake Your Booty dla KC & The Sunshine Band.
Sunt
La Laura Mars (Faye Dunaway) l'è na futógrafa 'd sucès ad New York, famóśa p'r i sò lavōr publisitàri e pruvucatòri in du a s véd dal nûd misćiâ cun dla viulénsa artìstica, specialmènt in di cunfrònt ad cal dóni. A 'n sèrt punt dla gint ch'la lavóra sèg, amìg e culaburadōr, i tàc'n a murìr masâ e a la Laura a gh pâr a véd'r i masamènt in dirèta cuma s'la i vdis c'n i òć dal sasèṅ. I pèrdan la vita la sò editōra Elaine Cassell (Rose Gregorio), ch'l'éra l'amànta dal sò èx marè Michael Reisler (Raul Julia), e pò soquànti mudèli cuma la Lulu (Darlanne Fluegel).
Al tenènt dla pulisìa John Neville (Tommy Lee Jones) al gh fà védar dal fóto di umisìdi ch'i arcòrdan dimóndi soquànt lavōr dla futógrafa. Cuntinuànd a far l'indàśin, a sucéd ch'al pulisiòt al s inamóra dla dóna ch'la s mét sèg.
Un dè, méntar la s cata in dal sò apartamènt, la Laura la gh'à na viśiòṅ d'n ùltim masamènt, al suo. Tuta spavintàda, la mét al cadnàs a 'l us, pròpria in dal méntar che Neville 'l éra drē a 'ndàr-la a catàr. 'L óm al śbraga i vēdar dla fnèstra p'r andàr dèntar e al diś a la sò muróśa ch'i aṅ péna ciapâ 'l sasèṅ, al sò autìsta Tommy Ludlow (Brad Dourif), masâ c'n un cōlp ad pistòla da 'l sergînt Sal Volpe (Frank Adonis). La Laura però la n gh créd briśa parchè la 'l cgnós tròp bèṅ.