Nowhere
|
C'l artìcul chè 'l è scrit in
Miranduléś |
 Nowhere
| ||
| Nowhere | ||
 Jorge Perugorría in na figùra dal film | ||
| Gnanc na banda 2002 | ||
|---|---|---|
| Regìa: Luis Sepúlveda | ||
| Scritōr: Luis Sepúlveda | ||
| Atōr: Leonardo Sbaraglia • Jorge Perugorría Ángela Molina • Harvey Keitel • Caterina Murino Fernando Guillén Cuervo • Luigi Maria Burruano Laura Mañá • Manuel Bandera • Daniel Fanego | ||
| Müsica: Nicola Piovani | ||
| Léngua: Spagnōl • Ingléś | ||
| Dürä dal film: 110 minüt | ||
| Nasiōṅ: Spaggna • Itàglia • Argentìna | ||
Nowhere (Gnanc na banda) l'è na pelìcula dramàtica dal 2002 dal scritōr Luis Sepúlveda, chè a 'l sò prim film.
Sunt
Al ditatōr 'd un stat dl'Amèrica dal Sud (Patricio Contreras), a n s diś mai quàl al sia ma 'l è ciàr ch'a s dascór dal Cîl, al dà 'l órd'n a i sò óm 'd andàr a tōr sinc óm ch'i s èṅ mis cónt'r a 'l sò guèran e ad mandàr-i su 'n trêṅ scasâ in na parśòṅ ch'la s cata in un pòst spardû in mèś a 'l deśèrt ciamâ „Gnanc na banda“. A s trata d'l uperàj cun la pasiòṅ p'r al bulēr Pedro Riquelme (Jorge Perugorría), dal studènt ch'al tira di casòt in dal tèmp lìbar Paolo Brandi (Leonardo Sbaraglia), dal barbēr ebrèj Salomon Goldman (Luigi Maria Burruano), dal cōg fnòć Aurelio Gonzales (Daniel Fanego) e dal prufesōr ad stòria Rodrigo Hidalgo (Andrea Prodan). A tgnir-i 'd òć i gh pénsan di militàr.
Quànd al prufesōr al próa a scapàr via al vîṅ cupâ. In ajùt di parśunēr a riva 'n americàṅ ch'al s fà ciamàr Gringo (Harvey Keitel) e ch'al gh'à sèg di sò óm e òṅ dla reśisténsa, Benavente (Fernando Guillén Cuervo). I quàtar scampâ i próv'n a dvintàr amìg di militàr par psēr-i fargàr a la prima ucaśiòṅ bòna.