Non entrate in quella casa

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Prom Night
Non entrate in quella casa
Non entrate in quella casa.png
La Jamie Lee Curtis in na figùra dal film
Minga andàr dènt'r a cla cà là
1980
Regia: Paul Lynch
Scritùr: William Gray • Robert Guza Jr.
Atùr: Leslie NielsenJamie Lee Curtis
Casey StevensAnne-Marie MartinJeff Wincott
Müsica: Paul Zaza • Carl Zittrer
Lengua: Ingléś
Dürä dal film: 93 minüt
Nasiòṅ: Cànada


«
S'ta n sarà minga a cà par meśanòt... ta n al sarà piò!»
(Tagline dal film)


Non entrate in quella casa (Minga andàr dènt'r a cla cà là) 'l è 'n thriller dal 1980 ad Paul Lynch, distribuî in Itàglia sōl in dal 1984. Al film al gh'à abû tri séguit (Prom Night II - Il ritorno dal 1987, Prom Night III - L'ultimo bacio dal 1990 e Discesa all'Inferno dal 1992) e 'n arfacimènt dal 2008, Che la fine abbia inizio.

La pelìcula, giràda a Turònt in dl'Istâ dal 1979, l'à fat sù dagnóra quìndas migliòṅ ad dòlar.

Sunt

Da quànd i gh'ìvan dód'ś an la Kelly Lynch (Mary Beth Rubens), la Jude Cunningham (Joy Thompson), la Wendy Richards (Anne-Marie Martin) e Nick McBride (Casey Stevens) i s èṅ giurâ 'd a n dir mai gnint a ninsòṅ 'd un brut fat ch'l éra sucès durànt 'l ùlt'm an pasâ a la Hamilton High School. Tintànd ad métar paùra par divertìr-'s a la Robin (Tammy Bourne), fiōla dal sgnōr Hammond (Leslie Nielsen) e surèla dla Kim (Jamie Lee Curtis), i quàt'r i l'aṅ fata strabucàr śò par la fnèstra 'd un cunvènt e la baghéta l'è mòrta.

Pasâ siē an, adès i quàt'r i èṅ carsû e i èṅ prònt a festegiàr la nòt dal bal dla fiṅ d'l an cuma da tradisiòṅ in di culéǵ americàṅ. Ma 'n tisi c'n un pasa-muntàgna adòs al vōl vindicàr-'s ad lōr parchè in alóra 'l iva vdû incòsa e 'l sà qvél ch'l è sucès dabòṅ.

Culegamènt estéran