No Rest for the Wicked

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


«
Nobody's gonna change them (change them), they've gone over the top, nobody's gonna tame them (tame them), they're never gonna stop, walk that walk, talk that talk, walk that walk, talk that talk, crazy... babies, when they were born, they were born to be wild, some say I'm another devil's child, crazy babies in a world of their own, I am a crazy babe, you'd better leave me alone tonight.»
(EN)(Crazy Babies, 1988)
«
Ninsòṅ a i cambiarà, lì lōr i èṅ rivâ óltar, ninsòṅ a i mét'rà sóta, i n s farmaràṅ mai, più fat e manc ciàcri, più fat e manc ciàcri, putèṅ... fóra 'd tèsta, quànd i èṅ nâ, i èṅ nâ p'r èsar salvàdag, a gh'è chi diś ch'a sòṅ 'n àtar fiōl dal Diàvul, putèṅ mat in un mónd tut lōr, a sòṅ mè un putèṅ mat, a sarà méj ch'at m las in paś stasìra.»
(MUD)
GClef.svg No Rest for the Wicked
1988
Ozzy Osbourne Azkena Rock festival 2011.jpg
Ozzy Osbourne
Tip 'd àlbum: Studi
Gènar: Heavy metal
Etichéta: Epic Records
Num'r ad braṅ: 9
Duràda: 43:51 minùt
Sìngui: Miracle Man
Precedènt: The Ultimate Sin
Sucesìṿ: No More Tears


No Rest for the Wicked (A n gh'è da punsàr p'r i catìṿ) 'l è 'l quìnt àlbum in studi 'd Ozzy Osbourne, al prim c'n al chitarìsta nóṿ Zakk Wylde ch'l à fat dvintàr più dûr i sòṅ dal disc. 'L è stâ publicâ in d'l Utóbar dal 1988 e 'l à vindû da piò ad quàtar migliòṅ ad còpi in tut al mónd.

Al sìngul sarnî 'l è Miracle Man ch'al dascór dal predicadōr televiśìṿ Jimmy Swaggart, òṅ ch'al gh'à sèmpar dâ adòs faghénd-ag di predicòs cóntar prima 'd èsar bcâ da la pulisìa c'n al braghi śò e na putàna sèg. Al vìddeo 'l è stâ girâ in na céśa in mèś a di ninét. I èṅ pò stâ fat àtar dū vìddeo p'r i braṅ Crazy Babies (ch'al dascór di putèṅ nâ dipendènt da la dròga) e Breakin' All the Rules anc se pò i n èṅ minga vgnû fóra cuma sìngui.

In dal pès Bloodbath in Paradise la fraś ch'la vèra la canta, scultàda a 'l cuntràri, a pâr ch'la diga «Your mother sells welts in hell», batùda dal film L'esorcista ch'la vōl dir “Tò màdar la ciùcia di cas a 'l infèran”.

Braṅ

  1. Miracle Man (Daisley/Osbourne/Wylde) - 3:44
  2. Devil's Daughter (Castillo/Daisley/Osbourne/Sinclair/Wylde) - 5:15
  3. Crazy Babies (Castillo/Daisley/Osbourne/Wylde) - 4:15
  4. Breaking All the Rules (Castillo/Daisley/Osbourne/Sinclair/Wylde) - 5:13
  5. Bloodbath in Paradise (Castillo/Daisley/Osbourne/Sinclair/Wylde) - 5:03
  6. Fire in the Sky (Castillo/Daisley/Osbourne/Sinclair/Wylde) - 6:25
  7. Tattooed Dancer (Daisley/Osbourne/Wylde) - 3:54
  8. Demon Alcohol (Castillo/Daisley/Osbourne/Wylde) - 4:28
  9. Hero (pès minga sgnâ) (Castillo/Daisley/Osbourne/Sinclair/Wylde) - 4:50

Bonus Tracks par 'l edisiòṅ dal 2002 rimasteriśàda

  1. The Liar (Daisley/Osbourne/Sinclair/Wylde) - 4:32
  2. Miracle Man (Live) - 3:48

Furmasiòṅ