Nine Lives
|
C'l artìcul chè 'l è scrit in
Miranduléś |
 Nine lives
| ||
| Nine lives | ||
 La Paris Hilton in na figùra dal film | ||
| Nóṿ viti 2002 | ||
|---|---|---|
| Regìa: Andrew Green | ||
| Scritōr: Andrew Green • Tom MacRae | ||
| Atōr: Paris Hilton • Rosie Fellner • David Leitch Vivienne Harvey • Patrick Kennedy • David Nicolle | ||
| Müsica: Josh Grafton • Edward White | ||
| Léngua: Ingléś | ||
| Dürä dal film: 85 minüt | ||
| Nasiōṅ: Régn Unî | ||
Nine lives (Nóṿ viti) 'l è 'n film thriller americàṅ dal 2002 dirèt p'r Andrew Green. 'L è stâ girâ in Inghiltèra cun un budget pìcul.
Sunt
Tim (Patrick Kennedy) al śibìs a òt sò amìg ad pasàr na fiṅ 'd stmana in dla vila ch'al gh'à in Scòsia, par festegiàr i sò vint-i-òṅ an. Dal grup i faṅ part al sò vèć cumpàgn ad cambra di tèmp dl'università Pete (David Nicolle) cun la sò ex muróśa Laura (Amelia Warner), la sò mijór' amìga Emma (Rosie Fellner) cun la sò vècia cumpàgna ad cambra Lucy (Vivienne Harvey), la milurdìna ad New York Jo (Paris Hilton) cun sèg al sò muróś ad Manchester Tom (Lex Shrapnel) e i sò cumpàgn ad college Damien (James Schlesinger) e Andy (Ben Peyton).
Durànt la nòt a vèṅ na timpèsta ad néṿ ch'a i blòca tut lè dèntar. Tom in cal méntar al cata fóra un lìb'r antìg ch'l éra stâ 'd un vèć sgnór dal pòst, ciamâ Murray, òṅ cundanâ a mòrt in dal 1746 durànt l'ultma arvòlta scuséśa. Dòp avér lèt al lìbar, al spìrit ad Murray al salta fóra da 'l paǵni e al ciàpa al cuntròl ad Tom, cun i sò òć ch'i dvéntan négar. Chi lò al và fóra 'd tèsta e, pîṅ 'd arlìa, al và a cupàr prima la Jo in dal lìcit e pò l’Emma ch'l'éra drē a culgàr-as.
Tom al vèṅ pò farmâ da Tim ch'al gh tira na scurtlàda cupànd-al. Ma a cal punt chè, Murray al tōś al cuntròl ad c'l àtar masć e i masamènt i cuntìnuan.