Nightmare - Nuovo incubo
|
C'l artìcul chè 'l è scrit in
Miranduléś |
 Wes Craven's New Nightmare
| ||
| Nightmare - Nuovo incubo | ||
 Englund e la Middendorf in na figùra dal film | ||
| Arbgàt nóṿ 1994 | ||
|---|---|---|
| Regìa: Wes Craven | ||
| Scritōr: Wes Craven | ||
| Atōr: Robert Englund • Heather Langenkamp John Saxon • Tracy Middendorf • Wes Craven Miko Hughes • Jeff Davis • Matt Winston | ||
| Müsica: J. Peter Robinson | ||
| Léngua: Ingléś | ||
| Dürä dal film: 112 minüt | ||
| Nasiōṅ: Stat Unî | ||
Nightmare - Nuovo incubo (Arbgàt nóṿ) 'l è 'n film ad scarésa americàṅ dal 1994 ad Wes Craven ch'al 'l à anc scrit. 'L è 'l sèt'm e ùltim capìtul dla saga 'd Nightmare dòp Nightmare - Dal profondo della notte dal 1984, Nightmare II: La rivincita dal 1985, Nightmare III: I guerrieri del sogno dal 1987, Nightmare IV: Il non risveglio dal 1988, Nightmare V: Il mito dal 1989 e Nightmare VI: La fine dal 1991, prima d'l incróś c'n al persunǵ ad Jason Voorhees ad Venerdì 13, Freddy vs. Jason dal 2003, e d'l arfacimènt Nightmare dal 2010.
Custâ òt migliòṅ ad dòlar, al 'n à pò purtâ a cà dagnóra vint.
Sunt
L’Heather Langenkamp (Heather Langenkamp), ch'in dal 1984 l'iva recitâ cuma prutagunìsta in dal film ad scarésa Nightmare - Dal profondo della notte, adès la s è spuśàda e la gh'à abû 'n fiōl, Dylan (Miko Hughes). Purtròp l'è dimóndi in pinsēr parchè un qualchidòṅ al la ciàma da spés a 'l telèfun e lē la créd c'a sia Freddy Krueger in parsòna, al persunàǵ masadōr manìac interpretâ par 'l atōr Robert Englund (Robert Englund). Anc al regìsta Wes Craven (Wes Craven) al n pōl minga srar i òć ad nòt parchè al gh'à sèmpar di arbgàt e al taca a pinsàr che un quàlc ès'r antìg al vója far-'g-la pagàr a tut qvéi ch'i aṅ tòlt part a cal film là.
Méntar Freddy al taca a pasàr i cunfîṅ di insùni, al pìcul Dylan al dà di ségn ad schisufrenìa.