Nicole Alexandra Shipley
|
C'l artìcul chè 'l è scrit in
Miranduléś |
La Nicole Alexandra Shipley (22 'd Agóst dal 1990), cgnusùda anc cuma Nicole Shipley e basta, l'è n'atōra americàna.
L'è élta 1 mét'r e 73 e la stà a Los Angeles.
Biugrafìa
In dal 2012 la fà 'l sò debùt a 'l cìnema faghénd prima la ragasōla a la fèsta in dal film Magic Mike ad Steven Soderbergh e pò la śuvnòta nùmar 3 in dla pelìcula 'd scarésa 12/12/12. 'L an dòp la ciàpa na part piculìna, qvéla dla ragàsa a la fèsta nùmar 2, in dal thriller cun Malcolm McDowell e Billy Zane The Employer e la gh la cava a lauràr anc cun la Sofia Coppola in Bling Ring.
In dal 2014 la fà la part dl'aglièna xandariàna in dal film ad fantasiénsa Guardiani della Galassia trat da 'n fumét dla Marvel Comics. Insém a lē a gh'è anc Chris Pratt, la Glenn Close e Benicio Del Toro.
In dal 2015 la tōś part a 'l curtumetràǵ Handjob Cabin ad Bennet Silverman, in du l'è la sōla vitma fémna dla fantàśma ch'la cópa la gint faghénd-ag dal pugnéti e par masàr anc lē la gh fà 'n trapiànt 'd órgan.
Filmugrafìa
- 2012 - Magic Mike, regìa ad Steven Soderbergh
- 2012 - 12/12/12, regìa ad Jared Cohn
- 2013 - The Employer, regìa ad Frank Merle
- 2013 - Bling Ring, regìa dla Sofia Coppola
- 2014 - Guardiani della Galassia (Guardians of the Galaxy), regìa ad James Gunn
- 2014 - Club Lingerie, regìa ad Jared Masters
- 2015 - All Saints Eve, regìa ad Gerry Lively
- 2015 - Buddy Hutchins, regìa ad Jared Cohn
- 2016 - Wishing for a Dream, regìa ad Jared Cohn
- 2017 - Sable, regìa ad Michael Matteo Rossi