Nanny, la governante

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Nanny
Nanny, la governante
Nanny la governante.png
La Craig e la Bette Davis in na figùra dal film
Nanny, la badànta
1965
Regìa: Seth Holt
Scritōr: Marryam Modell
Atōr: Bette DavisWilliam DixJames Villiers
Wendy CraigJill BennettAngharad Aubrey
Pamela FranklinJack WatlingHarry Fowler
Karen BalkinMaurice DenhamAlfred Burke
Nora GordonSandra PowerJimmy Charters
Müsica: Sam Fonteyn
Léngua: Ingléś
Dürä dal film: 90 minüt
Nasiōṅ: Régn Unî


«
L'éra armàśa in famìja par di an, pò dū i èṅ mòrt misteriuśamènt e dū i aṅ tacâ a vìv'r in dal terōr.»
(Tagline dal film)


Nanny, la governante (Nanny, la badànta) 'l è 'n thriller in biànc e négar dal 1965 ad Seth Holt trat da 'n rumànś dla Marryam Modell, scrit c'n al nóm ad 'd Evelyn Piper. 'L è vgnû fóra par qvéi dla Hammer, cà ingléśa famóśa p'r i sò film ad scarésa.

In alóra 'l è custâ a 'l incìrca un migliòṅ e tri ad dòlar e al 'n à purtâ a cà dū fra Stat Unî e Cànada.

Sunt

Joey Fane (William Dix), un putèṅ ad déś an, al tórna a cà dòp avér pasâ dal tèmp in 'n istitùt psichiàtric parchè batśâ cuma 'l respunsàbil dal masamènt ad sò surèla Susy (Angharad Aubrey), mòrta andgàda in dla vasca da bagn. Sò màdar Virginia Fane (Wendy Craig), na dóna minga madùra e pîna ad paùri, l'è dimóndi cuntènta ch'al sia turnâ in famìja méntar sò pàdar Bill (James Villiers) 'l è più fréd sèg anc parchè al gh'à la tèsta sèmpar da n'atra banda. In cà a gh'è anc la Nanny (Bette Davis), la sò badànta, na puta ch'lè bòna cun tut ma 'l putèṅ invéci al gh dà sèmp'r adòs e al dmanda a i sò genitōr al lasàr-la a cà dgénd ch'la gh'à in mènt ad cupàr-al.

Joey 'l è arvèrs, al n magna minga qvél ch'la gh cuśìna la vècia, al fà i caprìs e ad sira al s sèra dènt'r a la sò cambra da lèt. Un dè la Virginia la và in a risć ad murìr dòp avér magnâ na bistèca e 'n dōls cuśinâ da la Nanny. Dèntar a gh'éra dal vlèṅ tòlt da 'n butiglièṅ ch'al s cata in dal cambra dal baghét.

Culegamènt estéran