Muśèo dla balànsa
|
C'l artìcul chè 'l è scrit in
Miranduléś |
.jpg)
Al muśèo dla balànsa 'l è 'n muśèo tecnulògic e industriàł ch'al s cata a Campgajàṅ in pruìnsa 'd Mòdna, in via Juśèf Garibàld 34/a.
In dal sò spasi, inaugurâ in dal 1989, 'l è pusìbil védar balànsi e strumènt 'd miśurasiòṅ in generàł anc di tèmp antîg.
Sesiòṅ dal muśèo
Al muśèo 'l è divìś in soquànti sesiòṅ difarénti.
- Labirìnt di Fenòmen: in cal pòst chè 'l è pusìbil pśar-as, c'n al péś ch'a s gh'à su la Tèra mo anc su di àt'r àstar cuma la Luna o Giôv;
- Galerìa di Mistēr e dal Prufesiòṅ: un cantòṅ dal muśèo ch'al mét insém di strumènt par pśar druâ in dla pcarìa, da piò ad trénta balànsi, e ch'al gh'à anc un śōg par cgnósar bèṅ la salsìsa dal pòst, qvéla śala 'd Mòdna;
- Canàł dla Stòria: na sesiòṅ pîna 'd strumènt par miśuràr, mis in òrdin crunulògic;
- Galerìa dal balànsi e dal stadéri grandi: part dla móstra in du i s pōlan véd'r al balànsi druàdi in dal mónd cuntadèṅ, cuma qvéli druàdi par pśar al grana.