Mr. Brooks

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Mr. Brooks
Mr. Brooks.png
Dane Cook in na figùra dal film
Al Sgnōr Brooks
2007
Regia: Bruce A. Evans
Scritùr: Bruce A. Evans • Raynold Gideon
Atùr: Kevin CostnerDemi MooreWilliam Hurt
Dane CookMarg HelgenbergerAisha Hinds
Jason LewisDanielle PanabakerMatt Schulze
Müsica: Ramin Djawadi
Lengua: Ingléś
Dürä dal film: 120 minüt
Nasiòṅ: Stat Unî


«
'N óm ch'al gh'à tut, al gh'à tut da lugàr.»
(Tagline dal film)


Mr. Brooks (Al Sgnōr Brooks) 'l è 'n thriller americàṅ dal 2007 ad Bruce A. Evans ch'al 'l à scrit insém a Raynold Gideon.

La pelìcula, custàda vint migliòṅ ad dòlar, la 'n à pò fat pò sù quarànt'òt.

Sunt

Earl Brooks (Kevin Costner) 'l è 'n óm ad sucès ch'l à fat i bèsi fabricànd e vindénd dal scatli industriàli tant ch'la Cambra 'd Cumèrs ad Pòrtland al 'l à anc numinâ „Óm d'l An“. Al migliardàri 'l è spuśâ cun 'l Emma (Marg Helgenberger) e al gh'à na fiōla ch'la stùddia a l'università in Califòrgna, la Jane (Danielle Panabaker), ma 'l gh'à anc un segrét tarménd. Dènt'r ad lò al gh'à na persunalità dópia, Marshall (William Hurt), ch'la 'l custrìnś a cupàr da spés in na manéra prufesiunàla visténd i pagn 'd un serial killer cgnusû cuma 'l „sasèṅ dal didàdi“ parchè, dòp avēr masâ di furastēr giùst p'r al biśógn ad far-al, al dróa i di cadàvar spòrc ad sànguv par lasàr in gir dgl'imprónti.

Na sira 'l industriàł al decìd ad masàr un balarèṅ (Ross Francis) e la sò muróśa (Megan Brown) mént'r i èṅ drē a far sès in cà sua sparànd-'g in tèsta ma, esénd ch'al téndi dla cambra da lèt i ér'n avèrti, un futógrafar ch'al s fà ciamàr Mr. Smith (Dane Cook) al fà in tèmp a tōr śò incòśa par pò ricatàr-al. Chi lò al n vōl briśa di bèsi ma piutòst che lò 'l al purtìs sèg a far fóra qualchidòṅ par far-ag pruvàr al śgriśōr ch'a s sènt quànd a s masa. Earl 'l è custrét a star-ag dimóndi malvluntéra parchè, saénd 'd èsar malâ, al vliva métar-'g na préda insìma. Al dè d'l apuntamènt c'n al sgnōr Smith a s fà viva sò fiōla ch'la vrév dar-ag sù c'n al studi parchè la diś 'd ès'r insìnta 'd 'n óm spuśâ e dònca la preferìs aburtìr. Quànd però la pulisìa la la và a pascàr a cà sua par far-ag dal dmandi su 'l umisìdi 'd un sò cumpàgn ad scōla, Brooks al taca a pinsàr ch'la sia lē la sasìna e ch'l'àppia ciapâ da lò in dla śmagna 'd cupàr.

Dòp ès'r andâ a Pâl Élt a masàr un studènt dal culéǵ califurgnàṅ cun na manàra, par far créd'r a la pulisìa ch'in gir a gh sia 'n serial killer lìbar e difarènt da sò fiōla ch'in cal mumènt lè l'éra da lò in Òregun, Earl al decìd 'd andàr insém a Smith a masàr Jesse Vialo (Jason Lewis), al marè dla pulisióta ch'l'è drē a daràr-ag la casa, la Tracy Atwood (Demi Moore), un tisi dimóndi daśgustóś ch'insém a la sò avucàta Sheila (Reiko Aylesworth) al vrév un squantèr'n ad bèsi da la sò spóśa, rica 'd famìja, par divursiàr.

Culegamènt estéran