Morti e sepolti - La reincarnazione
|
C'l artìcul chè 'l è scrit in
Miranduléś |
 Dead & Buried
| ||
| Morti e sepolti - La reincarnazione | ||
 Na figùra dal film | ||
| Mòrt e saplî - La rincarnasiòṅ 1981 | ||
|---|---|---|
| Regìa: Gary Sherman | ||
| Scritōr: Gary Sherman • Jeff Millar Alex Stern • Ronald Shusett • Dan O'Bannon | ||
| Atōr: James Farentino • Lisa Blount • Bill Quinn Michael Currie • Nancy Locke • Robert Englund Dennis Redfield • Jack Albertson • Lisa Marie Melody Anderson • Michael Pataki • Barry Corbin | ||
| Müsica: Joe Renzetti | ||
| Léngua: Ingléś | ||
| Dürä dal film: 92 minüt | ||
| Nasiōṅ: Stat Unî | ||
Morti e sepolti - La reincarnazione (Mòrt e saplî - La rincarnasiòṅ) 'l è 'n film ad scarésa americàṅ dal 1981 ad Gary Sherman.
Sunt
In dal paiśèṅ ad Potter's Bluff, in dal New England, un śóvan pasiunâ ad futugrafìa al vèṅ piciâ da soquànt dal pòst e pò ligâ a 'n pâl e bruśâ viṿ méntar chi àtar i al tōśan śò. Chi lò al n è briśa 'l ùnic furastēr a lasàr-'g al péni, difàti in di dè a vgnir i mōran anc di àtar.
Al s fà càrag 'd indagàr al sierìf Dan Gillis (James Farentino), spuśâ cun la Janet (Melody Anderson), cun 'l ajùt dal dutōr Dobbs (Jack Albertson).
In séguit a 'n àt'r atàc, Dan al mét sóta cun la màchina òṅ di respunsàbii di masamènt ma lì lò al gh la cava listés a scapàr via, cun al sò bras, ch'al s éra dastacâ in d'l incidènt, sèg. Al sierìf al grata via un pôc dla sò carna, ch'l'éra armàśa lè atàc, par far-la analiśàr e al dutōr al gh diś ch'la daśvèṅ da 'n mòrt ad quàtar méś.
Gillis in cal méntar al dmanda infurmasiòṅ su 'l dutōr Dobbs, òṅ ch'al lauràva in 'n ubitòri dal Rhode Island ma ch'l éra stâ licensiâ déś an prima, prima ad stablìr-'s a Potter's Bluff, parchè al fava di esperimènt minga parmés in si cadàvar. Al luminàri 'l iva catâ la manéra ad far turnàr in vita i mòrt.