Mio caro assassino
|
C'l artìcul chè 'l è scrit in
Miranduléś |
 Mio caro assassino
| ||
 L'Helga Liné in na figùra dal film | ||
| Al mè câr sasèṅ 1972 | ||
|---|---|---|
| Regìa: Tonino Valerii | ||
| Scritōr: Franco Bucceri • Roberto Leoni José Gutiérrez Maesso • Tonino Valerii | ||
| Atōr: George Hilton • Francesco Di Federico Patty Shepard • Salvo Randone • Marilù Tolo William Berger • Piero Lulli • Lara Wendel Manuel Zarzo • Dana Ghia • Mónica Randall Helga Liné • Alfredo Mayo • Mónica Randall | ||
| Müsica: Ennio Morricone | ||
| Léngua: Itagliàṅ | ||
| Dürä dal film: 105 minüt | ||
Mio caro assassino (Al mè câr sasèṅ) 'l è 'n film śal dal 1972 ad Tonino Valerii.
A 'l èstar 'l è cgnusû cuma “My Dear Killer” in di Stat Unî, “O Carrasco da Mão Negra” in Braśìl, “Sumario sangriento de la pequeña Estefania” in Spaggna e “Folie meurtrière” in Frància.
Sunt
Al cumisàri 'd pulisìa Luca Peretti (George Hilton) al decìd al guardàr-ag dèntar bèṅ in na vicénda ad dū parsòni mòrti in un cantēr i du i éran drē a dragàr un fiùm pîṅ ad śmalta. Al detective d'l asicurasiòṅ Umberto Paradisi 'l iva pardû al cô ad òpra dna ruspa méntar 'l uperàj dal machinàri 'l éra stâ catâ impicâ subìt dòp. Peretti al n créd pròpria briśa che qvést chè al s sia masâ parchè al n gh la cavàva minga a vìvar c'n al pinsēr 'd 'n óm mòrt par cólpa sua. Umberto 'l éra drē a indagàr par sò cònt su 'n caś vèć d'l an prima dna putìna, la Stefania Moroni (Lara Wendel), ch'l'éra stada lasàda murìr insém a sò pàdar industriàł quànd chi lò 'l iva da pagàr al riscàt.
Al dè dòp la mujér d'l asicuradōr (Helga Liné) la và a tōr na busta in na caséta ad sicurésa dla pòsta ma la vèṅ cupàda da 'n óm cun di guànt négar ch'al la stròsa druànd al fasulét ch'la gh'iva in cô. Peretti al fà in tèmp però a purtàr via un fujét c'n un diségn da putèṅ ch'la dóna la tgniva stric in maṅ. Al cumisàri al và pò a dmandàr infurmasiòṅ a la mistra dla scóla ch'a gh'éra scrit in dal diségn, la Paola Rossi (Patty Shepard). Al fój 'l éra stâ sćiancâ via da 'n quadéran dla Stefania pròpria da Paradisi che pò al 'l iva lugâ in dla caséta ad sicurésa.
Al sasèṅ al và in séguit a catàr a cà sua la mistra par cupàr-la cun na séga lètrica a sérć.