Metanfetamìna

Da Wikipedia.

C'l artìcul chè 'l è scrit in Miranduléś Emiliàn

Metanfetamìna
CC(CC1=CC=CC=C1)NC
Masa muleculàra: 149,223
Indicasiòṅ ad sicurésa:
TÒSIC!
Fraś R: 25
Fraś S: 45


La metanfetamìna (N,α-dimetilfeniletilammina) l'è l'N-metil umòlug dl'anfetamìna ma, rispèt a lē, l'è 'n simpàtig-mimètig cun n'atività sentràla più élta.

Pipa p'r al metanfetamìni

Esénd ch'la lasa dal cateculamìni a livèl dal sinàpsi, specialmènt la dopamìna ch'la stìmula 'l piaśēr, l'è druàda cuma dròga in soquànti parti dal mónd, specialmènt in di Stat Unî, in Austràglia e in dal Filipìni. In dl'Európa d'l èst i la véndan cuma Pervitin (5 mg).

Fra i sò nóm in còdas a 'rcurdém "Ice", "Shaboo", "Shabu", "Blue sky" e "Crystal meth". Una dal metanfetamìni più cgnusùdi l'è 'l Ecstasy.

Quànd la s tōś, da spés scaldànd-la 'd dènt'r a na pipa 'd vēdar par tiràr i sò fum par la bóca quànd la s dasfà, la metanfetamìna la fà 'ndàr sù 'd gir, faghénd calàr 'l aptìt e lasànd daśdâ 'l sugèt par dimóndi tèmp. S'invéci 'd sparàr-'s-l' in véna o ad fumàr-la, la s tira sù p'r al naś o s'la s manda śò, i sò efèt i dùran da piò.

A lung andàr la dà dipendénsa, faghénd vgnir cunfuśiòṅ in tèsta, ànsia, paranòja, distùrub dla persunalità e di dan a 'l sarvèl.

Culegamènt estéran