Meg Tilly

C'l artìcul chè 'l è scrit in Miranduléś

La Margaret E. Chan, cgnusùda méj cuma Meg Tilly (Long Beach, 14 ad Favràr dal 1960) l'è n'atōra, balarìna e scritōra americàna e canadéśa, candidàda i Prèmi Òscar dal 1986.

L'è la surèla più pìcula dla Jennifer Tilly, anc lē atōra.

Biugrafìa

Dòp avēr tacâ na caréra in dal mónd dal balét e avēr girâ Saranno famosi p'r Alan Parker, la Tilly la patìs un brut infurtùni ch'al la custrìnś a dar-'g un taj cun la dansa e a tacàr na caréra in dal mónd dal cìnema. A la mità di an Utànta la gira tri film impurtànt cuma 'l thriller Psycho II, faghénd la fiōla dla Vera Miles ch'la s mét c'n Anthony Perkins, al dramàtic Il grande freddo e Agnese di Dio ch'al gh fruta na nomination a i Prèmi Òscar cuma atōra minga prutagunìsta.

Da 'l 1995 a 'l 2010 l'à dit abàsta a 'l mónd dal spetàcul par tacàr a scrìvar (suo i èṅ i rumànś Singing Songs, Porcupine e First Time) e par tiràr sù i sò tri fiōi, l’Emily, David e Will.

La s è spuśàda tri vòlti e la s è cumpagnàda anc a 'l atōr Colin Firth da 'l 1989 a 'l 1994. Adès la stà a Turònt.

Filmugrafìa

1980 - Saranno famosi (Fame), regìa 'd Alan Parker
1982 - One Dark Night, regìa ad Tom McLoughlin
1982 - Un ragazzo chiamato Tex (Tex), regìa ad Tim Hunter
1983 - Psycho II, regìa ad Richard Franklin
1983 - Il grande freddo (The Big Chill), regìa ad Lawrence Kasdan
1984 - Impulse, regìa ad Graham Baker
1985 - Agnese di Dio (Agnes of God), regìa ad Norman Jewison
1986 - Un poliziotto fuori di testa (Off Beat), regìa ad Michael Dinner
1988 - Masquerade, regìa ad Bob Swaim
1988 - La ragazza sull'altalena (The Girl in a Swing), regìa ad Gordon Hessler
1989 - Valmont, regìa ad Milos Forman
1990 - Il grande inganno (The Two Jakes), regìa ad Jack Nicholson
1992 - Fuga per un sogno (Leaving Normal), regìa 'd Edward Zwick
1993 - Ultracorpi - L'invasione continua (Body Snatchers), regìa 'd Abel Ferrara
1994 - Il tuo amico nel mio letto (Sleep with Me), regìa ad Rory Kelly
2016 - Antibirth, regìa ad Danny Perez
2017 - War Machine, regìa ad David Michôd

Culegamènt estéran