Masquerade (film 1988)
|
C'l artìcul chè 'l è scrit in
Miranduléś |
 Masquerade | ||
.png) Rob Lowe e la Meg Tilly in na figùra dal film | ||
| Mascheràda 1988 | ||
|---|---|---|
| Regìa: Bob Swaim | ||
| Scritōr: Dick Wolf • Larry Brody | ||
| Atōr: Rob Lowe • Meg Tilly • Doug Savant Kim Cattrall • John Glover • Dana Delany Brian Davies • Timothy Landfield • Dick Wolf Erik Holland • Barton Heyman • Bill Lopatto | ||
| Müsica: John Barry | ||
| Léngua: Ingléś • Francéś | ||
| Dürä dal film: 91 minüt | ||
| Nasiōṅ: Stat Unî | ||
Masquerade (Mascheràda) 'l è 'n film thriller dal 1988 ad Bob Swaim.
Custàda dódas migliòṅ ad dòlar, la pelìcula la 'n à pò purtâ a cà da piò ad nuànt'òṅ.
Sunt
[mudéfica la surzéia]Al śōvan Tim Whalen (Rob Lowe) al gh'à na relasiòṅ segréta cun la Brooke (Kim Cattrall), la mujēr dal sò cap Granger Morrison (Brian Davies). Un dè Tim al cgnóś a na fèsta l′Olivia Lawrence (Meg Tilly), na ragàsa péna laureàda ch'l'è dvintàda rica dòp la mòrt ad sò màdar ch'la gh'à lasâ incòsa a part na réndida 'd un migliòṅ ad dòlar vèrs al sò padrìgn, un puòs ciamâ Tony Gateworth (John Glover) ch'al gh'à anc al visi dal śōg e na muróśa nóva, l′Anne Briscoe (Dana Delany).
Tim e l′Olivia Lawrence dòp èsar-'s fat amìg, i decìd'n ad far un viàś su la barca 'd famìja di Lawrence, la Masquerade, esénd lò un capitàṅ ad yacht. Piàn piàṅ fra i dū a nas na relasiòṅ anc se Tony al gh dà subìt cóntar.
Purtròp par la ragàsa i dū óm i èṅ 'd acòrd insém e i aṅ traplâ un piaṅ par far-la fóra par ciapàr lōr i sò bèsi.