Meśonéfri
|
C'l artìcol chè 'l è scrit in
Carpśàn |
Al meśonéfri (mesonefro in itagliàn, da 'l grēc μὲσος mesos ch'al stà per "médi" e νεφρός nephròs per "rugnòun") 'l è ùna dal tri formi (dòp dal pronèfri e prìma dal metanéfri) ch'a tōś al rugnòun sia in dl'evolusiòun dal spéci che in dal śvilòp embrionêl di vertebrê.
In dal diferèinti speci del besti vertebrèdi, al meśonéfri al s cata c'ma rugnòun in di Pès e in di Anfìbi, mo c'ma òrghen ed tranśisiòun vers al canêl ed Wolff in di vertebrê piò avànti in dla schèla edl'evolusiòun, c'ma in di Rètil, in di Mamìfer e in di Uśē. Al meśonéfri al fa pêrt dal dòt ed Wolff, da 'l nòm dal studiōś Caspar Friedrich Wolff che per prìm 'l al studièva in dal 1759.
Strutùra
[mudéfica la surzéia]Al meśonéfri al deśvîn dala bòśa embrionèla primitìva dìta pronéfri. Al gh'à na strutùra cumpàgn'a quèla dal rugnòun e, màinter ch'a s forma 'l embriòun edl ès'r umàṅ, al fà tùt i só còumpit dàinter la sesta e la dècima smàna ch'al crès. Anca però s'l è tant cumpàgn in dla strutùra, in dal servìsi e in dal nòm, mo al meśonéfri al ne dvintarà gnanc un pcòun dal rugnòun o di nefròun finêl.[1]. In di embriòun edl òm, al meśonéfri 'l è fât da di pcunsèin cumpàgn in dla strutùra e in dal funsiòun ai nefròun dal rugnòun di òm grand.
Śvilòp
[mudéfica la surzéia]Tùt i nefròun dal meśonéfri i deśvìnen da na pert dal meśodèrma 'd mêś, atēś a 'l canêl dal meśonéfri, quand queschè al se spartìs per furmèr la só vesìca. Cla vesìca chè la se ślunga per fèr al tubèin meśonéfric, ch'al s taca a na pert dal canêl meśonéfric.
Vóś lighèdi
[mudéfica la surzéia]Èter prugèt
[mudéfica la surzéia]
Wikimedia Commons contiene file multimediali su Meśonéfri
Bibliugrafìa
[mudéfica la surzéia]- (FR) J. Langman, Embryologie médicale, éditions Masson, Paris 1994.
Colegamèint estèren
[mudéfica la surzéia]- (FR) La descrisiòun edl òrghen in dal liber "Biologie du développement - 7e édition: Cours et questions de révision" edl Albert Le Moigne e dal Jean Foucrier dal 2009, in sìm'a Google e-books
- (EN) "Development of the renal anlage" in Human Embryology