Making Love (film)

Da Wikipedia.

C'l artìcul chè 'l è scrit in Miranduléś Emiliàn

Making Love
Making Love

Ontkean e la Jackson in na figùra dal film
Far 'l Amōr
1982
Regìa: Arthur Hiller
Scritōr: A. Scott Berg • Barry Sandler
Atōr: Michael OntkeanKate JacksonArthur Hill
Harry HamlinWendy HillerNancy Olson
John DukakisTerry KiserGary Swanson
Dennis HowardJohn CalvinCharles Lucia
Müsica: Leonard Rosenman
Léngua: Ingléś
Dürä dal film: 113 minüt
Nasiōṅ: Stat Unî


«
Na stòria 'd amōr „difarènta“ prupòsta p'r Arthur Hiller al regìsta ad “Love Story”.»
(Tagline dal film)


Making Love (Far 'l Amōr) 'l è 'n film dramàtic americàṅ dal 1982 'd Arthur Hiller, òṅ di prim 'd Hollywood a tratàr 'l argumènt d'l amōr fnòć.

P'r al rōl dal prutagunìsta Zach, al regìsta 'l iva śibî la part a soquànt atōr cuma Tom Berenger, Michael Douglas, Harrison Ford, William Hurt e Peter Strauss ma tut i s èṅ tirâ indrē par paùra 'd ruinàr-as la caréra faghénd un buśòṅ a 'l cìnema.

Giràda c'n un budget ad quatórdas migliòṅ ad dòlar, la pelìcula la 'n à pò fat sù dagnóra dódas in dl'Amèrica dal Nòrd.

Sunt

Zach Elliot (Michael Ontkean), uncòlug ad sucès, 'l è spuśâ da òt an sénsa fiōi cun la Claire (Kate Jackson), dóna in caréra ch'la cmanda in na réda televiśìva. Ma Zach al gh'à 'n segrét ch'al s tîṅ lugâ dèntar: i gh piàś'n i óm. Un dè Zach al cgnós un scritōr ad rumànś ciamâ Bart McGuire (Harry Hamlin) e al taca na stòria 'd amōr turmintàda anc s'i dū i gh'aṅ in mènt di idéi difarènti. Zach al vrév andàr avànti sèg in dal tèmp cuma s'i fùsan na còpia nurmàla méntar Bart al vōl sōl divertìr-as e far sès anc cun di àtar masć.

Al scritōr al cunvìns Zach a vgnir fóra e a cuntàr qvél ch'l è a sò mujér. Quànd chi lò 'l al fà 'l è 'n brut cōlp par la Claire ch'la n pōl far àtar che dmandàr al divòrsi. Dimóndi an dòp Zach e la Claire i s càt'n a 'n funeràł dna sò vśina 'd cà. 'L óm adès al viṿ a New York c'n un sò muróś nóṿ méntar la Claire la s è arfàta na vita spuśànd-'s incóra e avénd un putèṅ.

Culegamènt estéran