Madame de Pompadour a 'l sò tlar
|
C'l artìcul chè 'l è scrit in
Miranduléś |
Madame de Pompadour a 'l sò tlar 'l è 'n dipìnt a òli e téla (217x156,8 cm) ad François-Hubert Drouais fat in dal 1763 e in dal 1764 ch'al s cata a la National Gallery ad Lóndra.
Stòria
L'òpra 'l è 'l ùlt'm umàǵ a la Madame de Pompadour da part dal pitōr dla cōrt ad Versailles, tacâ quànd l'amànta dal rè ad Frància Luìǵ XV la stava par lasàr cal mónd chè, e finî dòp la sò mòrt.
In dal quàdar a s pōl véd'r-la cun di cavìi griś tgnû dènt'r a na scùfia biànca méntar la tîṅ un tlar in maṅ cun davśèṅ un misèl e 'n làpis. Un caṅ négar curióś 'l è invéci drē a saltàr-'g adòs.
La marchéśa la s cata in un tinèl cun da drē dal téndi ròśa.
Al stîl dal quàdar 'l è al rococò.