Luigi Di Majo
|
C'l artìcul chè 'l è scrit in
Miranduléś |
Luigi Di Majo (Bagnrégi, 17 ad Setémbar dal 1943) 'l è 'n avucàt e persunàǵ televiśìṿ itagliàṅ.
Biugrafìa
Di Majo al taca la sò caréra da avucàt a Róma in dal 1968 tgnénd adrē a 'l camp penàl. In di an Stanta al tōś la diféśa in di prucès dal stat itagliàṅ cónt'r i film scàndal Ultimo tango a Parigi e Novecento ad Bernardo Bertolucci e Salò o le 120 giornate di Sodoma ad Pier Paolo Pasolini. Da 'l 1980 a 'l 2000 al lavóra cuma avucàt 'd Il Messaggero.
In dal 1989 al fà 'l sò debùt in televiśiòṅ tulénd al pòst ad Paolo Guzzanti in Chi l'ha visto? su Rai 3, laurànd-'g in fiṅ a 'l 1992 prima cun la Donatella Raffai e pò cun l'Alessandra Graziottin.
Da 'l 2006 a 'l 2008 al fà 'l giùdas in dal prugràma dla Rita dalla Chiesa Forum su Rete 4 insém a Santi Licheri, la Tina Lagostena Bassi, Ferdinando Imposimato e la Maretta Scoca.