Luca Vanni

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Luca Vanni tòlt śò in dal 2015


Luca Vanni, (Arés, 4 ad Śugn dal 1985, a s lèś [lu:ka 'vanni] in Itagliàṅ) 'l è 'n tenìsta tuscàṅ. 'L è élt un mét'r e nuant'òt e al péśa nuanta-quàtar chilo. Esénd 'n umòṅ acsè grand i al ciàm'n anc Lucòṅ.

Al dróa 'l bras dèst'r e al tira 'l arvèrs cun dū maṅ. In dla sò caréra, in dua 'l à vins sédas tìtui Futures e 'n turnèo challenger a Pòrtrōś, 'l è rivâ a ès'r al nùmar sènt dal mónd 'l 11 ad Maǵ dal 2015. 'L à anc śugâ na finàl ATP 250 su tèra batùda a San Pàulo in dal 2015 pardénd-la cun Pablo Cuevas.

Al gh'à da spés abû di prubléma fìśic, specialmènt a la schina e a i śnòć ch'l è stâ custrét a uperàr-as. Inólt'r in dal 2016 al s è bcâ anc la mononucleóśi.

Caréra

In dal Favràr dal 2015 al riva in finàl a San Pàulo baténd 7-6 7-6 Dušan Lajović e pò, dòp na batàja ad tri óri, al padròṅ ad cà João Souza par 6-4 6-7 6-4. Al 15 dal méś però al pèrd 'l ùlt'm incóntar cun 'l uruguajàṅ Pablo Cuevas par 4-6 6-3 6-7 dòp avér sarvî p'r al match su 'l 5-4 par lò a 'l tèrs. In Maǵ al bat 'l austragliàṅ Bernard Tomić a 'l prim tùran dal Master Mila 'd Madrid par pò pérdar cun Simone Bolelli. In Agóst al vins al challenger ad Pòrtrōś baténd al śugadōr ad cà, al śluvèṅ Grega Žemlja, par 6-3 7-6. In Agóst, dòp avér tòlt part a 'l Roland Garros e a Wimbledon, al próa a qualificàr-'s anc par gl'US Open ma dòp avér batû Taylor Fritz par 6-3 6-3 al céd a Máximo González. In Utóbar al riva in semifinàl in dal challenger ad Brest (6-7 1-6 da Benoît Paire) e 'l méś dòp in qvél ad Brésa (6-7 6-7 da Igor Sijsling).

Culegamènt estéran