Love Story (film 1970)

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Love Story
Love Story
Love Story (film 1970).png
L'Ali MacGraw e Ryan O'Neal in na figùra dal film
Stòria 'd Amōr
1970
Regia: Arthur Hiller
Scritùr: Erich Segal
Atùr: Ali MacGrawRyan O'NealRay Milland
John MarleyRussell NypeTommy Lee Jones
Müsica: Francis Lai
Lengua: Ingléś
Dürä dal film: 99 minüt
Nasiòṅ: Stat Unî


«
Amōr a vōl dir mai avér da dir: a m daspiàś.»
(Tagline dal film)


Love Story (Stòria 'd Amōr) 'l è 'n film dramàtic americàṅ dal 1970 'd Arthur Hiller trat da 'l rumànś umònim 'd Erich Segal. Cl'òpra chè l'à vins al Prèmi Òscar dal 1971 par la culòna sunóra ad Francis Lai dòp avér ciapâ sèt candidadùri in tut e anc sinc Golden Globe e dū Dàvid ad Dunatèl. Al gh'à abû 'n séguit in dal 1978, Oliver's Story.

Giràda c'n un budget stimâ ad dū migliòṅ e dū ad dòlar, la pelìcula l'è stada bòna ad far-an sù da piò ad sènt-siē in di sōi Stat Unî, al sucès più grand in alóra par la Paramount Pictures ch'la l'à prudóta.

Sunt

Oliver (Ryan O'Neal), quàrt mémbar di Barrett a purtàr cal nóm lè dòp sò pàdar (Ray Milland), óm ad bòna famìja e pîṅ ad bèsi, 'l è 'n studènt e 'n śugadōr 'd hockey a l'università 'd Harvard. Un dè al cgnós in na bibliutéca la studènta 'd mùśica italoamericàna Jennifer Cavalleri (Ali MacGraw) e al taca sèg na stòria 'd amōr anc s'i suo i gh'èṅ cóntar.

Quànd i dū śōv'n i decìd'n ad spuśàr-as, Oliver 'l è custrét a vìv'r in buléta parchè sò pàd'r al taja tut i rapòrt e anc i rubinét. Par scampàr in na quàlc manéra la Jennifer la taca a far la mistra mént'r al ragàs al gh la cava a ciapàr la làurea cun di vōt dimóndi élt e a catàr un pòst impurtànt a New York in un studi 'd avucàt. Adès i gh càlan sōl di fiōi che però i n rìvan briśa. Faghénd di anàliśi la Jennifer la vîṅ a savēr 'd avér la leucemìa e ch'a gh armàgn pôc da vìvar.

Culegamènt estéran