Louisiana (The Other Side)
|
C'l artìcul chè 'l è scrit in
Miranduléś |
 Louisiana (The Other Side)
| ||
.png) Na figùra dal film | ||
| Luiśiàna (Cl'atra banda) 2015 | ||
|---|---|---|
| Regìa: Roberto Minervini | ||
| Scritōr: Roberto Minervini Denise Ping Lee • Diego Romero | ||
| Atōr: Mark Kelley • Lisa Allen • James Lee Miller Lee Ann Lee • David Ashcraft • Lloyd Rex | ||
| Müsica: / | ||
| Léngua: Ingléś | ||
| Dürä dal film: 92 minüt | ||
| Nasiōṅ: Itàglia • Frància | ||
Louisiana (The Other Side) (Luiśiàna (Cl'atra banda)) 'l è 'n ducumentàri itagliàṅ e francéś dal 2015 ad Roberto Minervini preśentâ a 'l 68śum Fèstival ad Cannes in dla sesiòṅ „Un Certain Regard“.
'L è stâ girâ c'n un budget stimâ 'd sincsènt-mila dòlar dagnóra.
Sunt
Mark (Mark Kelley) e la sò muróśa Lisa (Lisa Allen) i vìv'n in dla miśèria in un paiśèṅ dla Luiśiàna pinsànd sōl a drugàr-'s e a gusàr in dla sò roulotte ch'i gh'aṅ dastacâ la curènt parchè i n pagàvan mia 'l buléti esénd in buléta. 'L óm al tira avànti vindénd la dròga in gir e purtànd di fèr in di fèrvèć. Al sò mijór amìg 'l è 'n redneck ad stant'an ciamâ Jim (James Lee Miller) ch'al dascór cun 'n asènt dixie dimóndi pēś e ch'al bév dla bira a rót ad còl. Quànd sò màdar la s mala 'd càncar, Mark al taca a pinsàr ch'a sarév méj par lò pasàr soquànt tèmp in parśòṅ, acsè al gh'arév l'ucaśiòṅ ad diśintusicàr-as.
In dla campàggna 'd Dixie Land la gint la s riunìs, mèśa cavàda śò, par festegiàr 'l argój sudìsta, fra pick up vèć, tratōr, gari in dla śmàlta, bvudi 'd bira e 'd liquōr e dand adòs a Barack Obama.
Soquànt veteràṅ 'd guèra i s càt'n insém in di bòsc par sparàr a di barsàj e p'r eśercitàr-'s a la guèra e a i cumbatimènt.