Lo sconosciuto del terzo piano

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Stranger on the Third Floor
Lo sconosciuto del terzo piano
Sconosciuto del terzo piano.png
Peter Lorre in na figùra dal film
Al furastēr dal tèrs piàṅ
1940
Regia: Boris Ingster
Scritùr: Frank Partos • Nathanael West
Atùr: John McGuireMargaret TallichetPeter Lorre
Charles HaltonElisha Cook Jr.Ethel Griffies
Müsica: Roy Webb
Lengua: Ingléś
Dürä dal film: 64 minüt
Nasiòṅ: Stat Unî


«
Lē la vōl bèṅ a 'n óm... che dagnóra al s insùnia 'd finìr in sla scrana lètrica!»
(Tagline dal film)


Lo sconosciuto del terzo piano (Al furastēr dal tèrs piàṅ) 'l è 'n film dramàtic americàṅ in biànc e négar dal 1940 ad Boris Ingster, chè a 'l sò debùt da regìsta.

Sunt

Michael Ward (John McGuire) al fà 'l giurnalìsta e 'l vrév spuśàr la sò muróśa Jane (Margaret Tallichet) se sōl al catìs i bèsi, invéci 'l è custrét a vìvar da par lò in afìt in 'n apartamènt dla sgnōra Kane (Ethel Griffies) darènt a qvél 'd un vśèṅ ad cà dimóndi daśgustóś e patégul, Albert Meng (Charles Halton).

Un dè Michael 'l è testimòni 'd 'n umisìdi in un bar e a prucès al testimònia cónt'r un sèrt Joe Briggs (Elisha Cook Jr.) che lò 'l à vdû darènt a 'l cadàvar. Anc p'r al fat che chi lò in pasâ al gh l'iva giuràda a la vitma e che da śōvan 'l iva fat dal rubarìi, 'l imputâ 'l è cundanâ a mòrt e a finìr in sla scrana lètrica. La Jane la fà fadìga a mandàr śò 'n quèl dal gènar, che na parsòna la faga cla fiṅ lè, ma Michael 'l è sicûr che Joe al sia dabòṅ al sasèṅ.

Turnànd a cà 'd nòt, al giurnalìsta al fà a mènt a 'n furastēr c'n i òć ad fóra e na siàrpa biànca a 'l còl (Peter Lorre) ch'al trapèla quèl in d'l apartamènt dal sgnōr Meng par pò scapàr via. A n sinténd minga runfàr al sò vśèṅ 'd cà, un fat ch'al gh'à sèmpar dâ dimóndi fastìdi parchè al sintìva incòsa da 'l mur, Michael al taca a pinsàr ch'a gh pòsa èsar sucès quèl e dònca al decìd 'd andàr a védar. Quànd al cata 'l sò cadàvar, cun la góla tajàda cumpàgn a 'l barìsta, al s rénd cònt ch'la sò stòria l'è cumpàgna a qvéla 'd Joe parchè anc a lò, in di mumènt 'd arlìa, a gh'è sucès ad dir-ag ch'al 'l arév cupâ. A 'l inìsi al vrév scapàr via parchè tut a 'l inciòlda, pò dascurénd cun la sò muróśa al decìd invéci 'd ciamàr la pulisìa che però la 'l mét dèntar. A la Jane a n gh armàgn gnint àtar da far che métar-'s a pascàr al furastēr par sò cònt.

Culegamènt estéran