Liv Tyler
|
C'l artìcul chè 'l è scrit in
Miranduléś |
La Liv Rundgren Tyler, cgnusùda méj cuma Liv Tyler (New York, 1 ad Luj dal 1977), l'è n'atōra e mudèla americàna, fiōla dal cantànt di Aerosmith Steven Tyler.
Biugrafìa
Carsùda cuma Liv Rundgren, sénsa savēr 'd èsar la fiōla 'd Tyler e druànd al cugnóm dal cumpàgn ad sò màdar Bebe Buell, a quatórd'ś an la taca a far la mudèla, tgnénd adrē a i cunsìli dla top model Pavlína Pořízková, amìga 'd sò màdar. In dal 1994 la dvènta famóśa faghénd al vìddeo dla canta di Aerosmith Crazy. Par lē i s vèr'n al pòrti dal cìnema c'n i film Rosso d'autunno e Dolly's Restaurant.
In dal 1996 al parmśàṅ Bernardo Bertolucci al la sarnìs cuma prutagunìsta dla pelìcula Io ballo da sola méntar 'l an dòp la rècita p'r Oliver Stone in U Turn - Inversione di marcia. In dal 1998 l'è in dal cast dal blockbuster Armageddon - Giudizio finale in dua sò pàd'r al canta 'l braṅ I Don't Want to Miss a Thing candidâ a i Prèmi Òscar. In séguit la Liv la gira dū film par Robert Altman, La fortuna di Cookie (1999) e Il dottor T e le donne (2000).
Dòp la cumèdia Un corpo da reato la tōś part a la trilugìa dal Sgnōr di Anèi c'n al pelìculi Il Signore degli Anelli - La Compagnia dell'Anello, Il Signore degli Anelli - Le due torri e Il Signore degli Anelli - Il ritorno del re.
In dal 2008 la fà la Betty Ross in dal film L'incredibile Hulk cun Edward Norton, Tim Roth, William Hurt e Robert Downey Jr..
Filmugrafìa
- 1994 - Rosso d'autunno (Silent Fall), regìa ad Bruce Beresford
- 1995 - Dolly's Restaurant (Heavy), regìa ad James Mangold
- 1995 - Empire Records, regìa 'd Allan Moyle
- 1996 - Io ballo da sola, regìa ad Bernardo Bertolucci
- 1996 - Music Graffiti (That Thing You Do!), regìa ad Tom Hanks
- 1997 - Innocenza infranta (Inventing the Abbotts), regìa ad Pat O'Connor
- 1997 - U Turn - Inversione di marcia (U Turn), regìa 'd Oliver Stone
- 1998 - Franky Goes to Hollywood, regìa ad Brendan Kelly
- 1998 - Armageddon - Giudizio finale, regìa ad Michael Bay
- 1999 - Plunkett & Macleane, regìa ad Jake Scott
- 1999 - La fortuna di Cookie (Cookie's Fortune), regìa ad Robert Altman
- 1999 - Onegin, regìa dla Martha Fiennes
- 2000 - Il dottor T e le donne (Dr T and the Women), regìa ad Robert Altman
- 2001 - Un corpo da reato (One Night at McCool's), regìa 'd Harald Zwart
- 2001 - Il Signore degli Anelli - La Compagnia dell'Anello, regìa ad Peter Jackson
- 2002 - Il Signore degli Anelli - Le due torri, regìa ad Peter Jackson
- 2003 - Il Signore degli Anelli - Il ritorno del re, regìa ad Peter Jackson
- 2004 - Jersey Girl, regìa ad Kevin Smith
- 2005 - Lonesome Jim, regìa ad Steve Buscemi
- 2007 - Reign Over Me, regìa ad Mike Binder
- 2008 - Mamma ho perso il lavoro (Smother), regìa ad Vince Di Meglio
- 2008 - L'incredibile Hulk (The Incredible Hulk), regìa ad Louis Leterrier
- 2008 - The Strangers, regìa ad Bryan Bertino
- 2010 - Super, regìa ad James Gunn
- 2011 - Punto d'impatto (The Ledge), regìa ad Matthew Chapman
- 2012 - Robot & Frank, regìa ad Jake Schreier
- 2014 - Jamie Marks Is Dead, regìa ad Carter Smith
- 2014 - Space Station 76, regìa ad Jack Plotnick