Innocenza infranta
|
C'l artìcul chè 'l è scrit in
Miranduléś |
 Inventing the Abbotts
| ||
| Innocenza infranta | ||
 La Jennifer Connelly in na figùra dal film | ||
| Inusénsa śbragàda 1997 | ||
|---|---|---|
| Regìa: Pat O'Connor | ||
| Scritōr: Sue Miller • Ken Hixon | ||
| Atōr: Joaquin Phoenix • Liv Tyler • Billy Crudup Jennifer Connelly • Will Patton • Michael Sutton Kathy Baker • Alessandro Nivola • Joanna Going | ||
| Müsica: Michael Kamen | ||
| Léngua: Ingléś | ||
| Dürä dal film: 110 minüt | ||
| Nasiōṅ: Stat Unî | ||
Innocenza infranta (Inusénsa śbragàda) 'l è 'n drama sentimentàl dal 1997 ad Pat O'Connor trat da 'n racònt cic dla Sue Miller.
La pelìcula, giràda in Califòrgna, l'à fat sù dagnóra siē migliòṅ ad dòlar.
Sunt
Doug Holt (Joaquin Phoenix) 'l è 'n ragàs ch'in di an Sinquànta al viṿ insém a sò màdar mistra Helen (Kathy Baker) e a sò fradèl più grand Jacey (Billy Crudup), iscrìt a l'università, in un paiśèṅ d'l Illinòis. Doug 'l è piutòst ingiangulâ cun 'l àtar sès e 'l pénsa 'd far cōlp cun cal dóni piturànd-'s al baśéti dla ghigna 'd négar par figuràr cuma Elvis Presley méntar sò fradèl al fà sèmpar sèntar, anc cun la fiōla dla famìja “bèṅ” di Abbott, l’Eleanor (Jennifer Connelly), na śuvnòta bèla mo anc dimóndi malnéta e sfaciàda. I sò genitōr, Lloyd (Will Patton) e la Joan (Barbara Williams), i n vōlan briśa però che lē la vaga c'n òṅ di buletàri di Holt ma lē la fà sèmpar cum a gh pâr.
Anc Doug 'l à butâ 'l òć su cla purcùsa lè da quànd al l'à vduda 'd nascòsc gusàr Jacey in cantìna, cun lē ch'la gh'iva fat a mènt ma l'à cuntinuâ listés catànd-ag gust, ma a pâr ch'a gh pòsa andàr méj cun sò surèla Pamela (Liv Tyler) ch'la 'l iva invidâ a 'ndàr fóra insém.