Liquirizia (film)
|
C'l artìcul chè 'l è scrit in
Miranduléś |
 Liquirizia
| ||
.png) La Mariani, Magalli e la Bouchet in na figùra dal film | ||
| Lucrèsia 1979 | ||
|---|---|---|
| Regìa: Salvatore Samperi | ||
| Scritōr: Giorgio Basile Gianfranco Manfredi • Salvatore Samperi | ||
| Atōr: Christian De Sica • Teo Teocoli • Donatello Gigi Ballista • Barbara Bouchet • Massimo Anzellotti Stefano Ruzzante • Jenny Tamburi • Carmen Russo Giancarlo Magalli • Ricky Gianco • Enzo Cannavale Enzo Liberti • Simona Mariani • Gianfranco Manfredi | ||
| Müsica: Ricky Gianco • Gianfranco Manfredi | ||
| Léngua: Itagliàṅ • Vènet • Napulitàṅ | ||
| Dürä dal film: 102 minüt | ||
| Nasiōṅ: Itàglia | ||
Liquirizia (Lucrèsia) l'è na cumèdia itagliàna dal 1979 ad Salvatore Samperi.
In dal film Fulvio al canta 'l braṅ Liquerizia ad Ricky Gianco, ch'al fà un camèo in dal film, méntar la Susanna Tamaro la fà l'asistènta a la regìa.
Sunt
In dla Padva di an Ssanta dū grup ad studènt d'l ùlt'm an, qvéi dal lìceo e i raśunēr, i decìd'n ad sfidàr-as miténd in pē un spetàcul teatràł par 'l ùltim dè 'd scōla. Al liceàł Carletto (Stefano Ruzzante), che da grand al vrév far al regìsta, al gh la cava a far-as dar in afìt par pôc un teàtar piutòst lòfi da la burghéśa Raffaella (Barbara Bouchet), ch'la s è inamuràda 'd lò, acsè sò fiōl Emilio, ch'l è stunâ cuma na campàna, al gh'à la manéra 'd śibìr-as su 'l palc. A far da preśentadōr a gh'è 'l sò cumpàgn ad scóla Gian Galeazzo Lo Cascio (Christian De Sica) méntar 'n àt'r incóra (Giancarlo Magalli) al fà gl'imitasiòṅ ad soquànt persunàǵ famóś cuma Mike Bongiorno, Renato Rascel, Johnny Dorelli e Enzo Tortora e la Giulia (Simona Mariani) la fà 'n balét clàsic. Ma 'l spetàcul 'l è 'n diśàst'r e 'l custôd (Enzo Cannavale), fan sfegatâ 'd Eduardo de Filippo, 'l è custrét a srar al sipàri.
I raśunēr, c'n a cap Fulvio (Massimo Anzellotti), i gh rispóndan c'n al cantànt Flyn (Teo Teocoli), un tisi sfegatâ 'd Celentano, 'd Elvis Presley e dl'Amèrica. Ma 'l pùblic al gh tira di pamdòr.