Learning Curve
|
C'l artìcul chè 'l è scrit in
Miranduléś |
 Detentioncgnusû anc cuma Learning Curve | ||
| Learning Curve | ||
 Meason Wiley e Jonathan Brent in na figùra dal film | ||
| La curva d'l Imparàr 1998 | ||
|---|---|---|
| Regìa: Andy Anderson | ||
| Scritōr: Andy Anderson | ||
| Atōr: John S. Davies • Marsha Dietlein • Susana Gibb Meason Wiley • Kirk Kelleykahn • Brandy Little Rebecca Sanabria • Jonathan Brent • Gail Cronauer | ||
| Müsica: Johnny Reno | ||
| Léngua: Ingléś | ||
| Dürä dal film: 108 minüt | ||
| Nasiōṅ: Stat Unî | ||
Learning Curve (La curva d'l Imparàr) 'l è 'n film dramàtic dal 1998 'd Andy Anderson ch'al 'l à anc scrit.
'L è stâ girâ in dal Tèxas.
Sunt
Al prufesōr William Walmsley (John S. Davies) al vèṅ ciamâ da la sgnōra Nunca (Gail Cronauer) a far dal suplénsi in na scōla pùblica ad quartēr dal Tèxas parchè la vècia insgnànta la gh'à abû di prubléma a 'l cōr. Quànd al riva là al s rénd cònt subìt ch'a n gh sém pròpria briśa parchè in clas a gh'è sōl di brut grintèṅ ch'i gh cmàndan lōr e i fànan sèmpar qvél ch'a gh pâr. A Davey Kenner (Meason Wiley), al bul dla scōla, a n gh in ciàva gnint ad studiàr, la sò muróśa Maria (Rebecca Sanabria) la léva 'l maṅ su chi àtar, la Julie (Susana Gibb) e la Tracey (Brandy Little) i dìś'n al parulàsi, Tony (Kirk Kelleykahn), ragàs ad culōr, e Willie (Jonathan Brent), ch'al sòna in un grup, i daṅ adòs a Joey (Forest Denbow), 'l ùnic studènt ch'a s dà da far vluntéra, e pò i pòrtan via 'l pórtafój a William. Quànd chi lò al próa a lamintàr-as c'n al prèsid Weaver (Lee Ritchey), lò al diś ch'a n gh'è gnint da far parchè i studènt i gh'aṅ sèmp'r i genitōr da la sò banda e i n s fànan minga di prubléma a mét'r-'g in mèś gl'avucàt quànd l'è óra.
Walmsley al dvènta amìg dla mistra 'd art, la Louise Germain (Marsha Dietlein). Chi lē la gh śibìs 'd andàr a séna da lē par magnàr dal tòc, ségn ch'la vrév anc da piò, ma lò al gh diś ad nò. In séguit l'insgnànta par pôc la n vèṅ mia viulentàda par Davey, ch'al gh'iva sèg anc na pistòla, ma pò la i ciàpa listés da la Maria ch'la gh diś ad stàr luntàṅ da 'l sò muróś dand-ag dla rója e dla putàna nimàla. William al n in pōl piò e al mét in pē un cuncōrs fint urganiśâ da la “NASA” par psēr avér sèg chi siē studènt arvèrs là e Joey par dar-ag na lesiòṅ. Dòp avér-ag dâ la śdòrmia e avér-i purtâ in muntàgna, al i sèra dèntar nûd in dal gabi cuma s'i fùsan dal bèsti. A gh gira anc dla curènt lètrica par castigàr-i quànd i n fànan minga a mōd.
Par psēr magnàr, bév'r e vistìr-as i gh'aṅ 'd imparàr a star a 'l mónd e studiàr. Par far védar ch'al fà dabòṅ, Walmsley al spara a Joey pò 'l al pòrta via par dar-al da magnàr a cal bèsti salvàdghi. S'l à fat un quèl dal gènar c'n al studènt più braṿ e sénsa mutìṿ giusà cuśa prév-al far cun tut chi àtar. Ninsòṅ a scōla e in famìja 'l è in pinsēr par lōr parchè 'l prufesōr al manda da spés dal létri falsi di studènt in dua i dìśan ch'l è tut a pòst e ch'i s càtan bèṅ.