Le ragazze pon pon
|
C'l artìcul chè 'l è scrit in
Miranduléś |
 The Swinging Cheerleaders
| ||
| Le ragazze pon pon | ||
 La Jo Johnston in na figùra dal film | ||
| Al ragàsi pon pon 1974 | ||
|---|---|---|
| Regìa: Jack Hill | ||
| Scritōr: Jack Hill • David Kidd | ||
| Atōr: Jo Johnston • Cheryl Smith • Colleen Camp Rosanne Katon • Ron Hajak • George Wallace Ric Carrott • Bob Minor • Jack Denton | ||
| Müsica: William Allen Castleman • William Loose | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî | ||
Le ragazze pon pon (Al ragàsi pon pon) l'è na cumèdia eròtica americàna dal 1974 ad Jack Hill ch'al l'à anc scrita insém a David Kidd.
In dla versiòṅ itagliàna, giusà parchè, al coach Turner al s ciàma invéci Coppolillo e 'l dascór in ingléś macherònic misćia a 'l napulitàṅ.
Sunt
Par scrìvar 'n artìcul su 'l giurnàł dal culéǵ dl'università ad Méśa (Califòrgna) su cuma 'l dóni i èṅ umigliàdi a far al ragàsi pon pon, la suciòluga da la banda dal fémni Kate Corey (Jo Johnston), 'd acòrd c'n al sò murós Ron (Ian Sander), la decìd 'd insfilsàr-'s in dal grup dal cheerleaders dla squàdra 'd futból americàṅ dla sità p'r andàr-'g a fónd.
La s śònta acsè a 'l grup dal ragàsi pon pon ch'i gh'aṅ invéci tut àtar prubléma. La Mary Ann (Colleen Camp) la fà da tut par tgnir stric al sò muróś femnàr Buck (Ron Hajek), śugadōr ad punta dla squàdra. La vìrgin Andrea (Rainbeaux Smith) la n gh la cava minga a ciulàr c'n al sò ragàs Ross (Ric Carrott) ch'al sa stufa 'd spetàr e al la mòla méntar la Lisa (Rosanne Katon) la gh'à na relasiòṅ cun 'l insgnànt ad statìstica, al prufesōr Frank Thorpe (Jason Sommers), che però 'l è bèla spuśâ.