Le particelle elementari (film)

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Elementarteilchen
Le particelle elementari
Particelle elementari.png
Bleibtreu e la Gedeck in na figùra dal film
Al partisèli elementàri
2006
Regia: Oskar Roehler
Scritùr: Michel Houellebecq • Oskar Roehler
Atùr: Moritz BleibtreuChristian UlmenNina Hoss
Martina GedeckFranka PotenteCorinna Harfouch
Müsica: Martin Todsharow
Lengua: TedéscIngléś
Dürä dal film: 113 minüt
Nasiòṅ: Germàgna


«
La véra la fà scàndal ma sénsa 'd lē a n gh'è gnint ch'a vala quèl.»
(Michel Houellebecq)


Le particelle elementari (Al partisèli elementàri) 'l è 'n film dramàtic tedésc dal 2006 'd Oskar Roehler trat da 'l rumànś umònim ad Michel Houellebecq.

Par cla pelìcula chè al prutagunìsta Moritz Bleibtreu 'l à vins 'l Ōrs 'd Argìnt a 'l 56śum Fèstival ad Berlîṅ.

Sunt

Michael Djerzinski (Christian Ulmen) e Bruno Klement (Moritz Bleibtreu) i èṅ dū fradlàstar ch'i s èṅ cgnusû sōl quànd i éran bèla di ragasōi. Sò màdar, la Jane (Nina Hoss), l'éra na fiōla di fiōr ch'la pasàva da 'n lèt a c'l àtar e ch'a n gh'è mai fargâ tròp ad lōr. Al prim 'l è 'n studióś e biòlug muleculàr ch'al stùdia la riprudusiòṅ minga sesuàla e 'l è incóra vìrgin parchè al sès al gh fà 'n po' sèns. Sò fradèl invéci 'l è 'n insgnànt rasìsta c'n al ciòld fis dal sès ma minga cun sò mujér Anne (Birgit Stein), ch'la gh'à dâ 'n fiōl pìcul, piutòst cun na sò studènta, la Johanna (Jennifer Ulrich), che però la scapa via quànd lò al s tira śò la sfésa dal braghi.

Quànd Michael al tórna in dal sò paéś 'l incróśa l’Annabelle (Franka Potente), na ragàsa ch'l'éra inamuràda 'd lò da quànd l'éra śōvna. I dū i finìs'n a lèt. Bruno invéci al decìd 'd andàr in un camp estìṿ p'r hippy par catàr da gusàr fàcil. Dòp avér-ag pruâ sénsa furtùna cun la Katja (Nina Kronjäger), chi lò al fà sèntar cun la Christiane (Martina Gedeck), na dóna che na vòlta la vivìva in na cumùna pròpria cun la Katja ma a fòrsa 'd preténdar ch'i sò óm i lavìsan śò e i dìsan śò la pólvra i aṅ tacâ a rimpiànś'r i óm da na vòlta, qvéi ch'i gh saìvan far a lèt.

Méntar Michael 'l è in Irlànda par purtàr avànti i sò studi, l’Annabelle la fà di eśàm e la vîṅ a savēr ch'la spèta 'n putèṅ ma anc ch'la gh'à d'aburtìr parchè 'l è dasfurmâ, un brut cōlp par lē ch'l'iva bèla fat un quèl dal gènar da śōvna quànd al sò ragàs al l'iva mulàda p'r andàr a star in di Stat Unî. Anc la Christiane la gh'à i sò prubléma parchè l'è cundanàda a 'rmàgnar palaliśàda a 'l gambi. La dóna la decìd ad butàr-as śò da 'n palàs.

Culegamènt estéran