La signora non si deve uccidere

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Fleur d'oseille
La signora non si deve uccidere
Signora non si deve uccidere.png
La Mireille Darc e l'Anouk Ferjac in na figùra dal film
La sgnōra a n gh'è mia da cupàr-la
1967
Regia: Georges Lautner
Scritùr: John Amila • Michel Audiard
Marcel Jullian • Georges Lautner • Jean Meckert
Atùr: Mireille DarcAnouk FerjacAmidou
Maurice BiraudFanny RobianePaul Préboist
Müsica: Michel Magne
Lengua: Francéś
Dürä dal film: 100 minüt
Nasiòṅ: Frància


«
Davànti a di putèṅ, pōl'n-i èsar più śvargugnàdi 'd acsè?»


La signora non si deve uccidere (La sgnōra a n gh'è mia da cupàr-la) l'è na cumèdia dramàtica francéśa dal 1967 ad Georges Lautner.

Sunt

Gravda dal sò muróś Pierrot (Frédéric de Pasquale), la śōvna Catherine (Mireille Darc) l'armàgn da par lē quànd al sò óm al pèrd la vita scuntrànd-as cun la pulisìa in na stasiòṅ di trêṅ dòp avēr fargâ e lugâ un muć ad bèsi a na banca. Su cunsìli dl'asistènta suciàla (Fanny Robiane), la Catherine la finìs in un sèntar par ragàsi madri e la diretōra (Renée Saint-Cyr) la tîṅ adrē sèg a 'l putèṅ péna nâ, Pierre.

La Catherine la dvènta amìga dn'atra dóna in dal sò stési cundisiòṅ, la Marité (Anouk Ferjac), ma in dal gir ad pôc tèmp i s fàn'n avànti al cumisàri Verdier (Maurice Biraud) e di lestufànt cuma Francis (Amidou) e Riton Godot (Henri Cogan) ch'i vōlan métar maṅ su i bèsi śgranfgnâ via da Pierrot prima 'd murìr esénd sicûr che la sò muróśa la sàppia quèl anc se lē la diś ch'la n sà gnint.

In séguit la Catherine, insém a la Marité, la partìs p'r andàr a star in dal rùstic 'd Pierrot ch'al gh'iva in na val di Êlpi francéśi. Qvàl lè al sarév un pòst iśulâ s'a n fus p'r un vśèṅ 'd cà piutòst strâṅ ch'al fà 'l pitōr, Gallières (Paul Préboist). I rìvan lè anc Francis e Jo de Fréjus (Henri Garcin), óm ch'al lavóra par Godot.

Culegamènt estéran