La rabbia dei morti viventi
|
C'l artìcul chè 'l è scrit in
Miranduléś |
 I Drink Your Blood
| ||
| La rabbia dei morti viventi | ||
 La Jadin Wong e Bhaskar in na figùra dal film | ||
| La ràbia di mòrt viṿ 1970 | ||
|---|---|---|
| Regìa: David E. Durston | ||
| Scritōr: David E. Durston | ||
| Atōr: Bhaskar Roy Chowdhury • Rhonda Fultz Jadin Wong • George Patterson • Tyde Kierney Elizabeth Marner-Brooks • Richard Bowler Riley Mills • John Damon • Alex Mann | ||
| Müsica: Clay Pitts | ||
| Léngua: Ingléś | ||
| Dürä dal film: 83 minüt | ||
| Nasiōṅ: Stat Unî | ||
La rabbia dei morti viventi (La ràbia di mòrt viṿ) 'l è 'n film ad scarésa dal 1970 scrit e dirèt par David E. Durston ch'al tōś ispirasiòṅ da 'n fat sucès in un vilàǵ ad mutàgna in Iràn in dua un grup ad lóv 'l iva atacâ na scóla, tacànd la ràbia a dimóndi parsòni.
La pelìcula l'è stada giràda in òt stmani a Sharon Springs, in dal stat ad New York, c'n un cast 'd atōr minga tant cgnusû e dagnóra tut prinsipiànt.
Sunt
Horace Bones (Bhaskar Roy Chowdhury) 'l è 'l cap dna séta 'd fiōi di fiōr ch'la fà di rît satànig in di bòsc. Gl'àtar mémbar hippies dal grup i èṅ la Molly (Rhonda Fultz), ch'la spèta 'n putèṅ da lò e ch'la pòrta na pirùca in cô, al négar Rollo (George Patterson), la Sue-Lin (Jadin Wong), Andy (Tyde Kierney), Shelley (Alex Mann) e na biundìna muta (Iris Brooks).
Rivâ a Valley Hills, un pòst ad muntàgna in du i gh vìvan pôchi parsòni parchè i èṅ drē a far-ag na diga, soquànt mémbar dal grup i viulèntan na ragàsa dal pòst, la Sylvia (Arlene Farber), ma pò 'l sò furgunsèṅ 'l i lasa a pē. I fiōi di fiōr i èṅ acsè custrét a 'rmàgnar lè, catànd un téǵ par punsàr in 'n hutèl bandunâ. Al nunòṅ dla śōvna, al dutōr Banner (Richard Bowler), al próa a 'ndàr a far i cònt cun chi furastēr lè, purtànd-as sèg un sćiòp, ma 'l grup al gh i dà e 'l gh fà tōr d'l LSD.
Al fradèl più pìcul dla Sylvia ciamâ Pete (Riley Mills), ch'al lavóra in dal fōran dla Mildred Nash (Elizabeth Marner-Brooks), la muróśa d'l inśgnēr Roger Davis (John Damon) impgnâ a tiràr sù la diga, al decìd ad vindicàr-as miténd in dal pasti 'd carna destinàdi a 'l grup dal sànguv 'd un caṅ cun la ràbia par far-i malàr.