La pianista

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg La pianiste
La pianista
Pianista.png
L'Isabelle Huppert in na figùra dal film
La pianìsta
2001
Regia: Michael Haneke
Scritùr: Michael Haneke • Elfriede Jelinek
Atùr: Isabelle HuppertBenoît MagimelUdo Samel
Annie GirardotSusanne LotharCornelia Köndgen
Müsica: Franz Schubert
Lengua: FrancéśTedésc
Dürä dal film: 131 minüt
Nasiòṅ: ÀustriaFrànciaGermàgna


«
La perversiòṅ a 'l sò punt più visióś!»
(Tagline dal film)


La pianista (La pianìsta) 'l è 'n film dramàtic dal 2001 ad Michael Haneke trat da 'l rumànś umònim dl'Elfriede Jelinek.

'L è stâ preśentâ in cuncōrs a 'l 54śum Fèstival ad Cannes in du 'l à purtâ a cà 'l Grand Prix Speciàł dla giurìa e qvéi par l'interpretasiòṅ di prutagunìsta, l'Isabelle Huppert e Benoît Magimel.

Custâ siē migliòṅ e dū 'd dòlar, al 'n à pò fat sù dagnóra déś.

Sunt

L’Erika Kohut (Isabelle Huppert) la fà l'insgnànta 'd piàṅ a 'l cunservatòri 'd Viéna. Anc s'l'à pasâ i quarànt'an, esénd puta, la cuntìnua a star a cà 'd sò màdar (Annie Girardot), na vècia ch'la gh'à 'l visi 'd tgnir-la sèmpar 'd òć in qvél ch'la fà e in du la và. A scōla la mistra l'è dimóndi catìva c'n i sò studènt e a pâr ch'la gh cata anc gust a tgnir-i schis e a dir ch'i n vàlan gnint. Un dè la mét apòsta di vēdar śbragâ in dla bisàca dal paltò dla sò aliēva Anna (Anna Sigalevitch) par tajàr-'g i dî ch'i gh sarvìsan par sunàr.

Ad nòt l’Erika la s trasfórma e la sént al biśógn ad guardàr dal còpi ch'i gùs'n in di drive in o 'd andàr in di peep show a naśàr i fasulét ad carta inspultiâ 'd śbòra lasâ da i óm in dal rusc dòp ès'r-as fat dal pugnéti.

Durànt un cuncèrt privâ la cgnós Walter Klemmer (Benoît Magimel), un ragàs ch'al stùddia da inśgnēr e ch'in dal tèmp lìb'r al divertìs a śugàr a hockey su 'l giàs ma specialmènt a sunàr al piàṅ faghénd di pès ad Franz Schubert e 'd Robert Schumann. La dóna a 'l inìsi la pâr dimóndi dastacàda e fréda sèg ma pò la finìs p'r ès'r usesiunàda da lò. La taca acsè na relasiòṅ c'n al śōvan ma sōl dòp avēr-ag mandâ na létra cun scriti 'l règhli ch'al gh'à da tgnir adrē, in du lò al gh'à da cmandàr e lē armàgnar schisa.

Culegamènt estéran