La parola all'accusa
|
C'l artìcul chè 'l è scrit in
Miranduléś |
 I Accuse
| ||
| La parola all'accusa | ||
 L'Estella Warren in na figùra dal film | ||
| La paròla a l'acùśa 2003 | ||
|---|---|---|
| Regìa: John Ketcham | ||
| Scritōr: Matthew DeJong • Charles Wilkinson | ||
| Atōr: Estella Warren • John Hannah • Brad Grass John Kapelos • Velvette Neumann • Aaron Pearl Daniel MacDonald • Trevor Roberts • Tim Henry Meghan Gabruch • Andrea Menard • Lindi Edge | ||
| Müsica: Chris Ainscough | ||
| Léngua: Ingléś | ||
| Dürä dal film: 95 minüt | ||
| Nasiōṅ: Cànada | ||
La parola all'accusa (La paròla a l'acùśa) 'l è 'n film dramàtic canadéś dal 2003 ad John Ketcham.
La pelìcula la cònta di fat sucès dabòṅ a la Candace Fonagy, na śōvna viulentàda da 'l sò dutōr John Schneeberger ch'al l'iva drugàda prima 'd gusàr-la par far-la star bòna.
Sunt
La Kimberly Jantzen (Estella Warren), ciamàda Kim, l'è na ragàsa madar canadéśa ch'la viṿ da par lē in na cà da quàtar sòld insém a sò fiōla Lizi (Madison Dewalt). La gh'à na relasiòṅ cun Billy (Aaron Pearl), ch'al gh mét da spés i còran, e par tiràr avànti la lavóra in na stasiòṅ 'd servìsi. Un dè, dòp avēr vist ch'al sò muróś al gh'iva na ragàsa in màchina, la s arlìa sèg e, durànt la litgàda, la s taja a na maṅ. Andàda a 'l prònt sucōrs par far-as védar, la finìs sóta a 'l dutōr Richard Darian (John Hannah) ch'al gh dà dla śdòrmia par psēr-la viulentàr in santa paś.
La matìna dòp, quànd la ragàsa la s déśda, la s arcòrda incòsa e la 'l denùnsia a la pulisìa purtànd sèg al sò mudàndi maciàdi 'd śbòra. A 'l mèdag a gh vîṅ dmandâ ad dar dal sò sànguv par par 'l eśàm dal DNA ma 'l èśit 'l è negatìṿ par dū vòlti.
Cardùda na buśiàrda ch'la pésca sōl di bèsi, la Kim la vîṅ licensiàda e l'è custréta a spatinàr in 'n àtar cumùṅ. Da la sua la gh'à sōl sò pàdar (Ron Anderson), la sò amìga infarméra Heather (Andrea Menard) e 'l detective privâ Emmet (Alan Bratt) ch'al s mét a pascàr dal próvi cónt'r al dutōr che, l'è ciàra, 'l à traplâ quèl par fargàr al tèst. A la fiṅ a pasa da la sò banda anc al detective Murray (John Kapelos) ch'l è decìś ad mandàr a prucès al viulentadōr.
Da 'l cant suo la Kim la próa a dascórar cun di atri ragàsi viulentàdi da 'l mèdag ma tuti che lōr i s tìr'n indrē ch'i n vōlan savēr gnint.