La mummia - Il ritorno
|
C'l artìcul chè 'l è scrit in
Miranduléś |
 The Mummy Returns
| ||
| La mummia - Il ritorno | ||
 Brendan Fraser in na figùra dal film | ||
| La mùmia - Al ritóran 2001 | ||
|---|---|---|
| Regìa: Stephen Sommers | ||
| Scritōr: Stephen Sommers | ||
| Atōr: Brendan Fraser • Rachel Weisz • Oded Fehr Arnold Vosloo • Freddie Boath • Alun Armstrong The Rock • John Hannah • Patricia Velásquez | ||
| Müsica: Alan Silvestri | ||
| Léngua: Ingléś • Àrab • Egisiàṅ Antìg | ||
| Dürä dal film: 124 minüt | ||
| Nasiōṅ: Stat Unî | ||
La mummia - Il ritorno (La mùmia - Al ritóran) 'l è 'n film 'd asiòṅ fantàstic americàṅ dal 2001 ad Stephen Sommers, séguit dla pelìcula La mummia dal 1999 sèmp'r ad Sommers. In dal 2008 l'è vgnuda fóra la tèrsa part dla saga, La mummia - La tomba dell'Imperatore Dragone ad Rob Cohen.
'L à muciâ sù da piò ad quatarsènt-trentàtri migliòṅ ad dòlar esénd-an custâ gnanc sènt.
Sunt
In d'l an 3067 p.C., in d'l Egìt antìg, un cumbatènt furmidàbil, al Rè Scurpiòṅ (The Rock), al gh dà dèntar dimóndi par cunquistàr al mónd cgnusû in alóra insém a 'l sò eśèrcit ma al pèrd. Al fà 'n pat c'n al Dio di mòrt Anubi p'r armàgn'r in vita.
Sinc-mila an dòp, in dal 1933, l’Evelyn Carnahan (Rachel Weisz) e Rick O'Connell (Brendan Fraser) i èṅ drē a espluràr un tèmpi pardû insém a sò fiōl pìcul, Alex (Freddie Boath). Ad dèntar i gh càt'n al Brasàl 'd Anubi e pò i rìsćian 'd andgàr p'r avér lèt un tèst maladî incìś insìma.