La mummia (film 1999)

Da Wikipedia.

C'l artìcul chè 'l è scrit in Miranduléś Emiliàn

The Mummy
La mummia

Fraser e Arnold Vosloo in na figùra dal film
La mùmia
1999
Regìa: Stephen Sommers
Scritōr: Nina Wilcox Putnam
Richard Schayer • Stephen Sommers
Atōr: Brendan FraserJohn HannahOded Fehr
Rachel WeiszOmid DjaliliKevin J. O'Connor
Arnold VoslooJonathan HydeCorey Johnson
Erick AvariStephen DunhamTuc Watkins
Müsica: Jerry Goldsmith
Léngua: IngléśÀrabEgisiàṅ Antîg
Dürä dal film: 129 minüt
Nasiōṅ: Stat Unî


«
La timpèsta la s alvarà. Al cēl al s vrà. Al putēr al s scatnarà.»
(Tagline dal film)


La mummia (La mùmia) 'l è 'n film 'd asiòṅ fantàstic americàṅ dal 1999 ad Stephen Sommers, numinâ a i Prèmi Òscar dal 2000 p'r al sunôr mijór. Al gh'à abû dū séguit: La mummia - Il ritorno dal 2001 e La mummia - La tomba dell'Imperatore Dragone dal 2008.

'L à muciâ sù da piò ad déś migliòṅ 'd euro in Itàglia, da piò ad sènt-sinquantasìnc migliòṅ ad dòlar in di Stat Unî e quatarsènt-sédas migliòṅ ad dòlar a 'l incìrca in tut al mónd esénd-an custâ utànta.

Sunt

In d'l Egìt antìg dal 1290 prima 'd Crist, al prevòstar Imhotep (Arnold Vosloo) al gh'à na relasiòṅ cun la mujér dal faraòṅ Seti I (Aharon Ipalé), la Anck-su-Namun (Patricia Velasquez). Quànd qvést chè al i bèca, chi lōr dū i al cópan ma pò anca lōr i faṅ na bruta fiṅ. A Imhotep a gh vèṅ tajàda via la léngua e pò al vèṅ saplî viṿ insém a dimóndi scaravàś ch'i màgnan la carna.

Trimìla an dòp, in dal 1923, la studióśa Evelyn Carnahan (Rachel Weisz) e sò fradèl Jonathan (John Hannah) i vàn'n a Têb tgnénd a drē a na mapa che lò 'l iva fargâ a 'n ex suldâ americàṅ, Rick O'Connell (Brendan Fraser), ch'in cal mént'r al s catàva in parśòṅ. Par salvàr-as da l'impicagiòṅ, Rick al fà 'n pat cun l’Evelyn par purtàr-la in dla sità 'd Hamunaptra che lò al sà in du l'è.

Culegamènt estéran