La morte corre sul video
|
C'l artìcul chè 'l è scrit in
Miranduléś |
 Dead Innocent
| ||
| La morte corre sul video | ||
 La Bujold e la Susan Glover in na figùra dal film | ||
| La mòrt la cur su 'l vìddeo 1997 | ||
|---|---|---|
| Regìa: Sara Botsford | ||
| Scritōr: Mort Pattigo • Dolores Payne | ||
| Atōr: Geneviève Bujold • Emily Hampshire Nancy Beatty • Susan Glover • Jonathan Scarfe Minor Mustain • Catherine Colvey • Benz Antoine Lynne Adams • Graham Greene • Peter Colvey | ||
| Müsica: David Findlay | ||
| Léngua: Ingléś | ||
| Dürä dal film: 91 minüt | ||
| Nasiōṅ: Cànada | ||
La morte corre sul video (La mòrt la cur su 'l vìddeo), cgnusû in Itàglia anc c'n al tìtul ad La morte scorre sul video, 'l è 'n thriller dal 1997 dla Sara Botsford.
Sunt
La Suzanne St. Laurent (Geneviève Bujold), avucàta, l'è na dóna in caréra ch'la s è divìśa da sò marè. La gh'à da tiràr sù na fiōla, la Nicole (Emily Hampshire), ma a pâr ch'la gh'àppia sèmpar la tèsta da n'atra banda. A tgnir-'g adrē, par furtùna, a gh pénsa la dóna di fat, la Rosa (Susan Glover).
Na sira, turnànd a cà, la cata la Rosa mòrta masàda in dal bagn e la Nicole sparìda. A 'n sèrt punt a s sènt na vóś tarucàda ch'la gh dà di órdan e l'è méj che lē l'ubidìs o sinò sò fiōla la mōr, dònca la gh'à da scurdàr-'s ad quaciàr al telecàmri, ciamàr ajùt o scapàr via. Tant p'r incuminciàr la gh'à da mét'r-as l'arlój dal cadàvar, pò la gh'à da trucàr-as, da métar-'s un vistî dla fèsta, patnàr-'s e cantàr. Sénsa far-as védar la Suzanne (Babs Gadbois) la vèrsa i rubinét dal bagn sprand che l'àqua la vaga 'd sóta e difàti la sgnōra Jackson la busa a 'l sò us par lamintàr-as ma 'l manìac, ch'al n è àtar che na sò vśina 'd cà, la Donna Swift (Nancy Beatty), la gh órdna 'd taśēr. Méntar la vècia la và a ciamàr al purtinàr Jimmy (Jonathan Scarfe), la Donna la dmanda a l'avucàta s'la gh cata gust a pategiàr, pò la gh diś ch'in dla pistòla lugàda in dal casét dal cumò 'd sò fiōla a gh'è 'n prujétil sōl: s'la vōl salvàr la Nicole la gh'à da tiràr-as lē cal cōlp lè quànd la sunarìa d'l arlój ch'la s è misa la sunarà.