La frode

Da Wikipedia.

C'l artìcul chè 'l è scrit in Miranduléś Emiliàn

Arbitrage
La frode

La Susan Sarandon in na figùra dal film
'L imbròj
2012
Regìa: Nicholas Jarecki
Scritōr: Nicholas Jarecki
Atōr: Richard GereSusan SarandonTim Roth
Brit MarlingLaetitia CastaNate Parker
Müsica: Cliff Martinez
Léngua: Ingléś
Dürä dal film: 107 minüt
Nasiōṅ: Stat UnîPulògna


«
Sès, putēr e bèsi i èṅ al sò àlibi mijór.»
(Tagline dal film)


La frode (’L imbròj) 'l è 'n thriller dramàtic dal 2012 ad Nicholas Jarecki ch'al 'l à anc scrit. La part dal prutagunìsta, andàda a Richard Gere ch'l è stâ candidâ a i Golden Globe par cal rōl chè, a 'l inìsi l'éra stada śibìda a Al Pacino che però al s è tirâ indrē.

La pelìcula, giràda tuta a New York, l'à fat sù da piò ad sinquànt'òṅ migliòṅ ad dòlar.

Sunt

Robert Miller (Richard Gere) 'l è 'n óm 'd afâr americàṅ pîṅ ad bèsi. Al gh'à na mujér ciamàda Ellen (Susan Sarandon) ch'la gh tîṅ dimóndi a far dla beneficénsa e dū fiōi śōvan, la Brooke (Brit Marling), ch'la lavóra sèg, e c'l imbranâ ad Peter (Austin Lysy). In mèś a tut i sò impégn però Robert al cata anc al tèmp ad véd'r-as cun la sò amànta francéśa, la Julie Côte (Laetitia Casta), ch'la fà di quàdar.

Par cólpa 'd 'n afâr andâ mâł in Rùsia, Robert al finìs in dla mèrda e 'l decìd ad vénd'r incòsa a James Mayfield (Graydon Carter) prima ch'a sia tròp tard. Par quaciàr i sò dèbit al dmanda di bèsi in prèst trucànd anc i cònt. Na sira, méntar l'è fóra in màchina cun la Julie, al gh'à 'n cōlp ad són e 'l fà 'n incidènt in du a mōr la sò amànta. Par n andàr minga in a risć ad pasàr di guàj cun la véndida dla sò sucietà, Robert al scapa via, méntar la màchina la ciàpa fōg, dmandànd a 'n ragàs ad culōr fiōl 'd un sò vèć dipendènt ch'l iva jutâ prima ch'al murìs, Jimmy Grant (Nate Parker), ad vgnir-'l a tōr e 'd scarusàr-'l a cà.

Al cumisàri Michael Bryer (Tim Roth) al capìs incòsa ma 'l n gh'à minga dal próvi da druàr cónt'r ad lò. La pulisìa la próa alóra a incastràr al ragàs par far-ag vudàr al sac.

Culegamènt estéran