La casa di Mary
|
C'l artìcul chè 'l è scrit in
Miranduléś |
 Superstition
| ||
| La casa di Mary | ||
 La Carole Goldman in na figùra dal film | ||
| La cà dla Mary 1982 | ||
|---|---|---|
| Regìa: James W. Roberson | ||
| Scritōr: Micheal O. Sajbel • Bret Thompson Plate Brad White • Donald G. Thompson | ||
| Atōr: James Houghton • Albert Salmi • Lynn Carlin Stacy Keach Sr. • Larry Pennell • Jacquelyn Hyde Heidi Bohay • Robert Symonds • Kim Marie | ||
| Müsica: David Gibney | ||
| Léngua: Ingléś | ||
| Dürä dal film: 85 minüt | ||
| Nasiōṅ: Cànada • Stat Unî | ||
La casa di Mary (La cà dla Mary) 'l è 'n film ad scarésa canadéś e americàṅ dal 1982 ad James W. Roberson. 'L è cgnusû anc c'n al tìtul uriginàł ad The Witch (La Stria).
'L è stâ girâ in Califòrgna in di pòst davśèṅ a Los Angeles.
Sunt
In dal paiśèṅ ad Mill Road a gh'è na vila antìga ch'l'è dla céśa da soquànt sècui. Tut 'd intór'n a gh'è 'n parc e 'n stagn ciamâ Black Pond dòca 'l è 'n pòst parfèt p'r al còpi 'd śōvan ch'i gh'aṅ da ciulàr in santa paś. Na nòt però dū 'd lōr, ch'i ìvan tirâ 'n schèrs a dū muróś purcùs srâ in màchina, i vènan masâ. 'L ispetōr Sturgess (Albert Salmi) al taca a far dal dmandi a 'l vèć prevòstar Maier (Stacy Keach Sr.) e a qvél rivâ lè da pôc par tōr al sò pòst, David Thompson (James Houghton). I dū religióś i 'n spét'n anc 'n àtar, George Leahy (Larry Pennell), ch'al gh'à da rivàr cun sò mujér Melinda (Lynn Carlin) e i sò tri putèṅ Justin (Billy Jayne), l’Ann (Heidi Bohay) e la Sheryl (Maylo McCaslin).
I masamènt i cuntìnuan òṅ dòp c'l àtar e a pâr ch'al respunsàbil a sia Arlen (Joshua Cadman), al fiōl insiminî dna dóna ch'la stà lè in cà da sèmpar, na vècia ciamàda Elvira Sharack (Jacquelyn Hyde). La cà la patìs da 'l 1784 la maledisiòṅ dna stria fata murìr andgàda dimóndi tèmp fà, l’Elondra Sharack (Carole Goldman). Quànd chi lē l'è finìda in dal lag, al céśi dal pòst i aṅ tacâ a bruśàr da par lōr e tut qvéi dl'Inquiśisiòṅ ch'i gh'aṅ dâ adòs i aṅ pò fat na bruta fiṅ. L’Elvira la cònta ch'in dl'àqua na vòlta a gh'éra na cróś ch'la sarvìva par tgnir-la a bada ma adès ch'l'è stada tòlta via ninsòṅ a pōl prutèśar cal pòst lè maladî.
In cal méntar Thompson, turnâ in cà, al gh cata na putìna ch'la diś 'd ciamàr-as Mary (Kim Marie). Prima ch'i prēt i pòsan bandìr la cà, pàdar Maier al finìs śbrandlâ sóta i cōlp 'd un śghét lètric. L’Ann la gh'à 'n arbgàt in dua la véd la sò famìja murìr maslàda e difàti la Sheryl la cata dabòṅ la mòrt in dal tasèl mòrt parchè la stria la gh'inciòlda la tèsta atàc a 'n légn. Thompson al próa a purificàr al pòst dand-ag fōg cun dla benśìna.