La casa che non voleva morire
|
C'l artìcul chè 'l è scrit in
Miranduléś |
 The House That Would Not Die
| ||
| La casa che non voleva morire | ||
 La Stanwyck e Anderson Jr. in na figùra dal film | ||
| La cà ch'la n vliva briśa murìr 1970 | ||
|---|---|---|
| Regìa: John Llewellyn Moxey | ||
| Scritōr: Barbara Michaels • Henry Farrell | ||
| Atōr: Barbara Stanwyck • Mabel Albertson • Kitty Winn Michael Anderson Jr. • Doreen Lang • Richard Egan | ||
| Müsica: Laurence Rosenthal | ||
| Léngua: Ingléś | ||
| Dürä dal film: 74 minüt | ||
| Nasiōṅ: Stat Unî | ||
La casa che non voleva morire (La cà ch'la n vliva briśa murìr) 'l è 'n film ad scarésa americàṅ dal 1970 ad John Llewellyn Moxey. 'L è stâ girâ par la televiśiòṅ e 'l è trat da 'n rumànś dla Barbara Michaels, “Ammie, Come Home”.
Sunt
La Ruth Bennett (Barbara Stanwyck), dòp ès'r armàśa védva, la và a star in dla vila in Pennsylvania ch'la gh'à lasâ sò na cuśìna quànd l'è mòrta e che lē l'à vdû giùst na vòlta in tut, na cà dimóndi bèla tiràda sù a la fiṅ dal Setsènt. La dóna la s pòrta sèg na sò anvōda, la Sara Dunning (Kitty Winn), una ch'la và incóra a scōla e ch'la gh'à p'r insgnànt un prufesōr 'd Antrupulugìa sò vśèṅ ad cà, Pat McDougal (Richard Egan). Chi lò al dvènta dimóndi amìg ad sò sîna méntar la ragàsa la taca a pasàr al sò giurnàdi insém a 'n śuvnòt dal pòst, Stan Whitman (Michael Anderson Jr.).
Na sira, durànt un ricevimènt a cà dla màd'r ad Pat (Mabel Albertson), na sò amìga ad nóm Sylvia Wall (Doreen Lang) la s śibìs ad far na sedùda spirìtica tut insém a cà dla Ruth. Méntar la medium l'è drē a ciamàr al sò spìrit guìda, un qualchidòṅ a tōś pusès dal còrp dla Sara e un quàd'r al casca śò finénd in dal fōg dal camèṅ.
La ragàsa la taca a 'vér dal vòlti di cumpurtamènt strâṅ, na nòt la próa anc a strusàr sò sîna. E pò a s sènt da spés na vóś da óm ch'la siga: «Ammie, tórna a cà!». Andànd a ravanàr in dal tasèl mòrt, la Ruth e Pat i càt'n un fój in du a s dascór dna baghéta ad nóm Amanda Campbell, fiōla dal generàł Douglas, ch'l'éra stada scanślàda da la lista di mémbar dla sò rasa.