La bella e la bestia (film 1977)

Da Wikipedia.

C'l artìcul chè 'l è scrit in Miranduléś Emiliàn

La bella e la bestia

La Lisbeth Hummel in na figùra dal film
La bèla e la bèstia
1977
Regìa: Luigi Russo
Scritōr: Luigi Russo • Paolo Belloni
Atōr: Lisbeth HummelAnna Maria Bottini
Robert HundarClaudio UndariFranca Gonella
Philippe HersentPiera Maria Caretto
Brigitte PetronioBrunello Chiodetti
Müsica: Piero Umiliani
Léngua: Itagliàṅ
Dürä dal film: 98 minüt
Nasiōṅ: Itàglia


«
'L erutìśum in dal sò sfumadùri più ingatiàdi.»
(Tagline dal film)


La bella e la bestia (La bèla e la bèstia) l'è na cumèdia eròtica a epiśòdi dal 1977 ad Luigi Russo ch'l à tgnû adrē anc a 'l muntàǵ, a 'l sugèt e a la senegiadùra.

Sunt

Epiśòdi: La sarvidóra (trat liberamènt da 'n racònt ad Leopold von Sacher-Masoch)

Al zar Vladimîr (Robert Hundar) al dróa 'l pugn ad fèr par cmandàr in dal régn e 'l sìmbul dal sò putēr 'l è 'n anèl rós ch'al pòrta a 'l dî. Chi lò però 'l à anc pardû la tèsta par na sò sarvidóra biónda (Lisbeth Hummel) ch'in cambi dal sò còrp la gh admànda 'd tōr al sò pòst p'r un dè sōl. La dóna prima la manda libri tuti chi atri sarvidóri dal zar, pò la s fà dar da 'n négar davànti a lò. Finìda la giurnàda e turnâ in pusès dal sò anèl, Vladimîr al decìd ad dar-la in past a i sò caṅ.

Epiśòdi: Zooerastìa

La Varvara (Lisbeth Hummel) l'è spuśàda c'n un vèć prìnsip (Philippe Hersent) e a gh piàś dimóndi andàr a cavàl ma specialmènt cun 'l óm di cavài che lē la s gusa in mèś a la paja in dla stala. Quànd sò marè al la bèca, al la sèra dènt'r in un ciûś cavàda śò dal tut insém a 'n pony e a dū cagnàs pò al gh dà da magnàr cuma s'la fus na bèstia. La dóna la gh cata gust e c'l àt'r al decìd ad far-la murìr 'd fam par punisiòṅ.

Epiśòdi: La fustigasiòṅ

Thomas al capìs ch'a gh piàś ciapàr-li da quànd al sò mìst'r a scōla al gh i dadi c'n un spróc su i dî parchè al n saìva gnint. Anc a cà al s fà dar dal patóni in dal cûl par sò màdar (Piera Maria Caretto), bcada da lò a far sès c'n al sò amànt. A cal punt lè al ragàs al dmanda a la sò amìga (Brigitte Petronio) ad far àtar tant.

Epiśòdi: La prumésa

La Giovanna (Franca Gonella) la gh'à spuśàr-as ma prima la s vōl far gusàr par sò cuśèṅ ingléś Eric (Nicolò Piccolomini) cuma l'iva prumìs quànd l'éra na ragasōla.

Culegamènt estéran