La Maşòun

Da Wikipedia.

C'l artìcul chè 'l è scrit in Arzân Emiliàn

La cēşa


La Maşòun (Masone in italiân) l'é 'na frasiòun ed Rèz. L'é a matèina e a cîrca 7 chilômeter dal cèinter ed la sitê, l'é traversêda da matèin a sîra da la Via Emélia. Sibèin ch' al pôsa sembrêr modêren al bōregh, in tèimp dimòndi indrê, l'ēra ciamê Trexinaria, nòm ciapê dal turèint Treṣnêr, che 'na vôlta al pasêva d'ed lé.

A La Maşòun a gh'ēra al pûnt insém al turèint e int al cōrs di sècol da sté pêrti è stê tirê só dal j ustaréi, un uspési e 'n uspitêl ciamê San Bovis de Vogeria.

A nôt ed la frasiòun, pasê al cavalcavéia ed la ferovéia MilânBològna, a gh'é la cēşa ed Sân Jâchem, tirêda só int al 1133 e restarvêda dal tót int al 1773 e in amzûra pió céca int al 1904 e int al 1927.

Al d'ed dèinter, in stîl barôch, a gh'é 'na pilèta da l'âcva sânta dal Quâtersèint e int l' âbsida, un quêder cun al Martéri ed Sân Jâchem, fât ind al XVII sècol.

La cēşa, int al cōrs ed la só stôria, l'é pasêda sòta i Cavalēr dal Règn ed Geruşalèm (Cavalieri Gerosolimitani in italiân) ed la cumènda ed la cēşa ed Sân Stēven ed Rèz, per còst, a 's dîş, l'é stêda ciamêda della Masone dal francèiş maison. De sté urégin francèişa dal nòm l'é arcurdêda int al nôster dialèt difâti la véla la se s'ciama: La Maşòun.

Nôta: cla pâgina ché l'é stêda inviêda cun 'na tradusiòun da it:Masone trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.