L'ultima seduzione

Da Wikipedia.

C'l artìcul chè 'l è scrit in Miranduléś Emiliàn

The Last Seduction
L'ultima seduzione

La Fiorentino e Pullman in na figùra dal film
L'ultma sedusiòṅ
1994
Regìa: John Dahl
Scritōr: Steve Barancik
Atōr: Linda FiorentinoBill PullmanBill Nunn
Peter BergJ. T. WalshMichael Raysses
Dean NorrisBrien VaradyHerb Mitchell
Müsica: Joseph Vitarelli
Léngua: Ingléś
Dürä dal film: 110 minüt
Nasiōṅ: Stat UnîRégn Unî


«
Lē la vōl incòsa... e la 'l vōl subìt.»
(Tagline dal film)


L'ultima seduzione (L'ultma sedusiòṅ) 'l è 'n noir dal 1994 ad John Dahl che par cla pelìcula chè 'l à vins al prèmi dla crìtica a 'l Fèstival ad Cognac.

Cl'òpra chè l'à muciâ sù sinc migliòṅ e òt ad dòlar esénd-an custàda dū e mèś.

Sunt

La Bridget Gregory (Linda Fiorentino) la viṿ a New York insém a sò marè Clay (Bill Pullman) ch'al fà 'l farmacìsta ma chi lē la fà fadìga a cumpatìr-'s-al. Un dè chi lò al fà sù setsènt-mila dòlar vindénd dla dròga ma la Bridget la gh i farga e la scapa via méntar lò al sćifla sóta la dócia. Lung la via par Chicago la dóna la s férma a Beston, na sitadìna davśèṅ a Buffalo, in dua la càmbia nóm in Wendy Kroy. Chè la cgnós Mike Swale (Peter Berg), 'n agìnt 'd asicurasiòṅ, e la taca a 'ndàr-'g a lèt par ciulàr-'s-al in tut i sèns.

La Bridget la gh la cava, in na quàlc manéra, a cunvìns'r-al a masàr dū óm ch'i mitìv'n i còran a 'l sò mujér par spartìr-'s i bèsi dgl'asicurasiòṅ su la vita ch'i gh'ìvan cun cal védvi. Mike al n vrév minga far-al ma la Bridget la 'l ricàta parchè la sà ch'l à spuśâ 'n travestî ad nóm Trisha (Serena) e sōl dòp al matrimòni 'l à savû la véra. Pò la vōl anc ch'al faga fóra sò marè ch'al s éra mis a pascàr-la.

Culegamènt estéran