L'esorcista II - L'eretico

Da Wikipedia.

C'l artìcul chè 'l è scrit in Miranduléś Emiliàn

Exorcist II: The Heretic
L'esorcista II - L'eretico

La Dana Plato in na figùra dal film
'L Eśurcìsta II - 'L erètic
1977
Regìa: John Boorman
Scritōr: William Goodhart • John Boorman
Rospo Pallenberg • William Peter Blatty
Atōr: Linda BlairRichard BurtonPaul Henreid
Max von SydowLouise FletcherKitty Winn
James Earl JonesRose PortilloDana Plato
Müsica: Ennio Morricone
Léngua: IngléśSpagnōl
Dürä dal film: 118 minüt
Nasiōṅ: Stat Unî


«
I èṅ pasâ quàt'r an... Cuś arcòrd'-la la Regan?»
(Tagline dal film)


L'esorcista II - L'eretico (’L Eśurcìsta II - 'L erètic) 'l è 'n film ad scarésa dal 1977 ad John Boorman, séguit dal film L'esorcista dal 1973.

La pelìcula l'à fat sù da piò ad trénta migliòṅ ad dòlar dòp ès'r-an custàda quatórdas.

Sunt

Al prevòstar Philip Lamont (Richard Burton) al vîṅ mandâ da 'l sò cardinàł (Paul Henreid) a far luś su la mòrt ad pàdar Lankester Merrin (Max von Sydow), batśâ cuma erètic par la Céśa e mòrt quàt'r an prima a Washington in dal méntar ch'al pruàva a eśurciśàr al dèmun asîr Pazuzu (Karen Knapp) ch'al s catàva in dal còrp dna baghéta, la Regan MacNeil (Linda Blair). Chi lē adès l'è dvintàda na ragasōla e la viṿ a New York insém a na dóna ciamàda Sharon Spencer (Kitty Winn) ch'la gh tîṅ adrē.

La Regan a pâr ch'la sia turnàda nurmàla, anc s'la n s arcòrda più gnint. La dutōra ch'la gh l'à in cura, la Gene Tuskin (Louise Fletcher), la próa a tiràr fóra i sò arcòrd tintànd 'd ipnutiśàr-la c'n un machinàri speciàl. Vlénd cumbàtar diretamènt al sò nemìg, Lamont al partìs par l'Àfrica par catàr un ragàs ciamâ Kokumo (Joey Green) ch'l è stâ bòṅ ad bàt'r al dèmun na vòlta. Turnâ in di Stat Unî al prēt al decìd 'd andàr insém a la Regan in dla cà a Georgetown in du la baghéta l'éra stada ciapàda da Pazuzu.

Culegamènt estéran