L'assassino ha prenotato la tua morte
|
C'l artìcul chè 'l è scrit in
Miranduléś |
 Le temps de mourir
| ||
| L'assassino ha prenotato la tua morte | ||
 Jean Rochefort in na figùra dal film | ||
| Al sasèṅ 'l à prenutâ la tò mòrt 1970 | ||
|---|---|---|
| Regìa: André Farwagi | ||
| Scritōr: André Farwagi • Alain Morineau | ||
| Atōr: Anna Karina • Billy Kearns • Jean Rochefort Bruno Cremer • Daniel Moosmann • Lara Koski Jacques Debary • Michel Beaune • Gaëtan Noël Georges Ser • Yanti Somer • Catherine Rich | ||
| Müsica: Karel Trow | ||
| Léngua: Francéś | ||
| Dürä dal film: 80 minüt | ||
| Nasiōṅ: Frància | ||
L'assassino ha prenotato la tua morte (Al sasèṅ 'l à prenutâ la tò mòrt) 'l è 'n śal francéś dal 1970 'd André Farwagi ch'al 'l à scrit insém a Alain Morineau.
'L è stâ preśentâ a 'l 20śum Fèstival ad Berlîṅ in du 'l regìsta 'l è stâ numinâ par 'l “Ōrs 'd Òr”.
Sunt
Na śōvna (Anna Karina) c'n i cavìi castàgn, in dal méntar ch'la và a cavàl, la śbat cónt'r a 'n àrbul pardénd i sèns crudànd a tèra. Na scatla tónda par pelìculi ch'la gh'iva in maṅ la taca a ruślàr via andànd a la basa, ciapànd pò incòst a 'n óm ch'l éra drē a punsàr in dal prâ, Marco (Daniel Moosmann). Chi lò al s déśda e al la cata sù par pò cunsgnàr-la a Helmut (Billy Kearns), un culaburadōr dal sò padròṅ Max Topfer (Bruno Cremer), óm 'd afâr pîṅ ad bèsi.
Helmut al la mét sù e in dal filmâ a s véd 'n óm masàr c'n un revolver pròpria Topfer in dal sò studi. A gh'è sōl un quèl ch'a traśa: Max 'l è incóra viṿ e 'l vōl a tut i cóst catàr la parsòna ch'l'iva pardû la pelìcula. Dasfrutànd al naśàdi 'd un caṅ, Marco e Helmut i rìv'n a la dóna ch'l'è viva ma l'à pardû la memòria par la bòta in dla tèsta ch'l'à ciapâ.
Purtàda a 'l uśdàł p'r èsar curàda, la dóna la scapa da la clìnica p'r andàr a star a cà dal sgnōr Topfer parchè l'è sicùra ch'l'è la cà in du la vivìva e 'd atra part la s arcòrda bèṅ tut al cambri cum i èṅ fati dèntar. In na quàlc manéra l'è bòna ad véd'r i quèi prima ch'i sucédan.
In séguit a dal risérchi, Helmut al capìs chi 'l è 'l sasèṅ dal filmâ, Hervé Breton (Jean Rochefort), presidènt dla sucietà “Sōl e Natùra”. Insém a Marco al và a sequestràr-al purtànd-al via da la sò cà 'd Parì, pò 'l al sèra dènt'r a la vila Max sénsa dar-ag la manéra 'd scapàr via. Hervé però al n cgnós mia al sgnōr Topfer e a n gh'à briśa di mutìṿ vàlid par masàr-al.